Photos: झी मराठी अवॉर्डच्या मंचावर पार पडला ‘या’ अभिनेत्रीच्या डोहाळे जेवणाचा कार्यक्रम; माधुरी दीक्षितनेही लावली हजेरी

Zee Marathi Award 2023: मालिका विश्वातील मानाचा आणि झी मराठीवरील मालिकांचा आणि कलाकारांचा गौरव करणारा सोहळा म्हणजे 'झी मराठी अवॉर्ड'. दरवर्षीप्रमाणे यावर्षी देखील अतिशय देखण्या आणि दिमाखदार पद्धतीने हा सोहळा मोठ्या थाटामाटात पार पडला. कलाकारांचे दिलखेचक परफॉरमन्स, विनोदी स्किटस् यांनी कार्यक्रमाला एक वेगळीच बहार आणली. या सगळ्याबरोबरच आणखी एक कार्यक्रम गाजला तो म्हणजे आपल्या 'अप्पी'चं डोहाळे जेवण. झी मराठीच्या सर्व नायिकांनी मिळून 'अप्पी'चे डोहाळे पुरवले, कलेक्टर 'अप्पी'ची PA म्हणजेच छोट्या छकुलीने एक धमाकेदार नृत्य केलं. 'अप्पी'च्या डोहाळे जेवणाच्या कार्यक्रमात बॉलिवूडची 'धक धक गर्ल' माधुरी दीक्षितने हजेरी लावली. माधुरी दीक्षितने अर्जुनला अप्पीची काळजी घेण्याचा प्रेमाचा सल्ला पण दिला. या डोहाळे जेवणाच्या कार्यक्रमात अप्पीचं कौतुक करायला आलेल्या सगळ्यांनी पेढा की बर्फी अशी गोड विचारणा देखील केली. काय असेल या डोहाळे जेवण कार्यक्रमात पेढा की बर्फी? तेव्हा पाहायला विसरू नका 'अप्पी'च्या डोहाळे जेवणाचा हा धमाकेदार कार्यक्रम 'झी मराठी अवॉर्ड २०२३', शनिवार ४ नोव्हेंबर, संध्या. ७ वा. (सर्व फोटो सौजन्य : झी मराठी / इन्स्टाग्राम) (हेही पाहा : रेड कार्पेटवर अवतरले स्टार प्रवाहचे कलाकार! ढिंचॅक दिवाळी सोहळ्यातील खास फोटो)