दादा-वहिनींचा साऊथ इंडियन लूक! जिनिलीयाने काढले रितेशचे Cute फोटो, नेटकऱ्यांकडून कमेंट्सचा पाऊस...

अभिनेत्री जिनिलीया देशमुख तिच्या हटके इन्स्टाग्राम पोस्टमुळे नेहमीच चर्चेत असते. तिने नुकत्याच शेअर केलेल्या फोटोंनी सर्वांचं लक्ष वेधून घेतलं आहे. मनोरंजन विश्वातील सर्वांची आवडती अन् आदर्श जोडी म्हणून रितेश-जिनिलीयाकडे पाहिलं जातं. या फोटोंमध्ये रितेश-जिनिलीयाने साऊथ इंडियन लूक केल्याचं पाहायला मिळत आहे. जिनिलीयाने गोल्डन रंगाची सुंदर साडी, गळ्यात नेकलेस, हातात बांगड्या असा लूक होता. अभिनेत्रीने या फोटोंना "आनंदाचा दिवस..." असं कॅप्शन दिलं आहे. या फोटोशूटमध्ये जिनिलीया आपल्या लाडक्या नवऱ्याचे Cute फोटो काढत असल्याचं पाहायला मिळत आहे. बायको फोटो काढत असताना रितेशने सुद्धा गोड एक्स्प्रेशन्स दिले आहेत. नेटकऱ्यांनी या फोटोंवर कमेंट्सचा वर्षाव केला आहे. "आदर्श जोडी", "व्हॉट अ लूक", "दादा-वहिनी किती गोड आलेत फोटो", "भाऊ आणि आमच्या वहिनीसाहेब" अशा असंख्य प्रतिक्रिया रितेश-जिनिलीयाच्या चाहत्यांनी या फोटोंवर दिल्या आहेत. याशिवाय अमृता खानविलकर, सुयश टिळक, ऋतुजा बागवे या मराठी कलाकारांनी सुद्धा रितेश-जिनिलीयाच्या या Cute फोटोंचं कौतुक केलं आहे. ( सर्व फोटो सौजन्य : रितेश-जिनिलीया इन्स्टाग्राम व Wfa With Love )