-
टाटा मोटर्सने आपली नवीन गाडी बाजारात आणली आहे. या गाडीचं नाव टाटा पंच असं आहे.
-
ही गाडी अधिकृतपणे बाजारामध्ये दाखल होण्याआधीच तिचे फिचर्स, किंमत आणि इतर गोष्टींबद्दल चांगलीच चर्चा रंगल्याचं पहायला मिळालं.
-
मात्र टाटाने आता अधिकृतपणे या गाडीच्या किंमतींचा आणि फिचर्ससंदर्भात खुलासा केलाय
-
टाटा मोटर्सने बाजारात आणलेली ही कार सब कॉम्पॅक्ट एसयुव्ही प्रकारातील आहे.
-
४ ऑक्टोबर रोजी कंपनीने या कारच्या नावाची आणि ती लवकरच बाजारात येत असल्याची घोषणा केली होती. ही या सेगमेंटमधील सर्वोत्तम कार असल्याचा दावा टाटा मोटर्सने केलाय.
-
विशेष म्हणजे टाटा पंचच्या बुकींगला ४ ऑक्टोबरपासून सुरुवात झाली असून २१ हजारांची रक्कम देऊन ही कार बूक करता येत आहे.
-
मॅन्युएल आणि ऑटोमॅटिक असे दोन्ही पर्याय टाटा पंचमध्ये उपलब्ध आहेत.
-
मॅन्यूएल ट्रान्समिशनमध्ये ही गाडी प्रती लीटरमागे १८.९७ किमीचं एव्हरेज देईल असं कंपनीने म्हटलं आहे. तर ऑटोमॅटिकमध्ये गाडीचं एव्हरेज प्रति लीटरमागे १८.८२ असेल असं कंपनीचं म्हणणं आहे.
-
या नव्या एसयूव्हीमध्ये १.२ लीटरचं पेट्रोल इंजिन देण्यात आलं आहे.
-
ही कार ६.५ सेकंदांमध्ये ० ते ६० किमी प्रती सात आणि १६.५ सेकंदांमध्ये ० ते १०० किमी प्रती तास वेग पकडू शकते.
-
टाटा पंचच्या इंटीरियर आणि फिचर्सबद्दल बोलायचं झाल्यास यामध्ये सात इंचांची टच स्क्रीन इन्फोटेन्मेंट सिस्टीम देण्यात आलीय.
-
स्टेअरिंग कंट्रोल, ३६६ लीटर बूट स्पेस, फ्रण्ट आणि रेअर पॉवर विंडो यासारख्या सुविधा गाडीत आहेत.
-
तसेच अॅडजेस्टेबल ड्रायव्हर सीट, क्रूझ कंट्रोल, रीयल फ्लॅट सीट, फुल्ली ऑटेमेटेड टेम्परेचर कंट्रोलसारखे फिचर्सही गाडीत आहेत.
-
टाटा पंचची ही गाडी या सेगमेंटमधील सर्वात सुरक्षित गाड्यांपैकी एक असल्याचं सांगण्यात येतं.
-
जागतील स्तरावरील एनकॅप क्रॅश टेस्टमध्ये अडल्ट सेफ्टीच्या दुष्टीकोनातून या गाडीला पाच स्टार रेटिंग देण्यात आलंय.
-
टाटा पंचमध्ये सुरक्षेच्या दृष्टीने ड्युएल एअरबँग देण्यात आल्यात.
इलेक्ट्रॉनिक ब्रेकफोर्स डिस्ट्रीब्यूशनसोबतच अॅण्टी लॉक ब्रेकिंग सिस्टीम आणि कॉर्नर सेफ्टी कंट्रोलही देण्यात आलाय. -
या सेगमेंटमधील कारमध्ये पहिल्यांदाच ब्रेक स्वे कंट्रोल सिस्टीम देण्यात आल्याचा दावा टाटाने केलाय.
-
कारमध्ये चाइल्ट सीटसाठी अँकर पॉइंट, रीव्हर्स पार्किंग कॅमेरा, ड्रायव्हर एण्डबरोबरच को ड्रायव्हर सीटसाठी सीट बेल्ट रिमाइण्डर देण्यात आलाय. टायर पंक्चर रिपियर कीटही देण्यात आलंय.
-
ही गाडी निळ्या, लाल, मेट्रो ब्रॉन्झ, अॅटॉमिक ऑरेंज, ट्रॉपिकल मिस्ट, डायटोना ग्रे आणि पांढऱ्या या सात रंगांमध्ये उपलब्ध असेल.
-
टाटा पंचच्या किंमतीबद्दल बोलायचं झाल्यास ही गाडी ५ लाख ५९ हजारांपासून उपलब्ध आहे.
-
एक्स शोरुममध्ये ५ लाख ४९ हजारांना उपलब्ध होणाऱ्या गाडीच्या बेसिक मॉडेलमध्ये पेट्रोल मॅन्यूअल इंजिन देण्यात आलं आहे.
-
गाडीच्या टॉप एण्ड मॉडेलचं नाव क्रिएटीव्ह असं असून त्याची किंमत ८.७९ लाख रुपये इतकी आहे.
-
आता या गाडीला ग्राहकांचा कसा प्रतिसाद मिळतो हे येणाऱ्या काळात स्पष्ट होईल. (सर्व फोटो ट्विटरवरुन साभार)
ईदच्या दिवशी विकण्यासाठी आणलेला बकरा मालकाच्या गळ्यात पडून ढसाढसा रडला; काळीज पिळवटून टाकणारा VIDEO व्हायरल
