Typewriter museum in indore Madhya Pradesh exhibits 400 different types of typewriters

मध्य प्रदेशातील इंदूरमधील जुन्या टाईपरायटर्सचे संग्रहालय सध्या कुतुहलाचा विषय ठरत आहे. या संग्रहालयात अमेरिका, इंग्लड, जर्मनी, फ्रान्स, इटली, जापान आणि चीनमधील जुने टाईपरायटर्स ठेवण्यात आले आहेत. १८९० साली निर्मित सर्वात जुना टाईपरायटर या संग्रहालयात आहे. या संग्रहालयात जगभरातील विविध प्रकारचे ४५० टाईपरायटर्स आहेत. राजेश शर्मा यांच्या मालकीचे इंदूरमध्ये हे संग्रहालय आहे. १९१० ते १९३० या कालावधीत निर्मित टाईपरायटर्स या संग्रहालयात आहेत. ‘मर्सिडीज’, ‘रॉयल’, ‘कोरोना’, ‘ट्रॅम्प’ या कंपनीचे टाईपरायटर्स या संग्रहालयात उपलब्ध आहेत. स्मार्टफोन्सच्या जगात या टाईपरायटर्सची ओळख टिकून राहावी, यासाठी हे संग्रहालय चालवत असल्याचे राजेश शर्मा यांनी म्हटले आहे. राजेश शर्मा यांचे वडील माधव प्रसाद शर्मा जिल्हा न्यायालयाबाहेर टायपिंगचे काम करायचे. त्यांच्या कामातूनच टाईपरायटर्सचा संग्रह करण्याची प्रेरणा राजेश यांना मिळाली. राजेश यांच्या संग्रही ‘रेमिंग्ट्न’ कंपनीचा टाईपरायटरदेखील आहे. या कंपनीने सर्वात आधी टाईपरायटची निर्मिती केली होती. जुन्या काळात कोरोना कंपनीने बनवलेला टाईपरायटर पोलीस अधिकाऱ्यांमध्ये विशेष प्रसिद्ध असल्याचे राजेश सांगतात. २.५ किलो वजनाचा हा टाईपरायटर लहान आणि वापरण्यास सोयीस्कर आहे. (फोटो सौजन्य- एएनआय)