पैठणच्या नाथसागरात मोठ्यासंख्येने फ्लेमिंगोंचे आगमन

पैठणच्या नाथसागरात हजारोंच्या संख्येने रोहित (फ्लेमिंगो) दाखल झाले आहेत. पैठणचे सहायक वनसंरक्षक अधिकारी राजेंद्र नाळे यांनी ही माहिती दिली. 

फ्लेमिंगो साधारण हिवाळ्यात येतात. मात्र यंदा पाणी जास्त असल्याने उशिराने आले.

काठाच्या भागात जलाशय अधिक भरलेला असेल तर फ्लेमिंगोंना भक्ष्य टिपता येत नाही.

वनविभागाने १ मार्च रोजी केलेल्या पक्षीगणनेत फ्लेमिंगो आढळून आले नव्हते.

साधारण २० मार्चपासून हळूहळू फ्लेमिंगोंची संख्या वाढत असल्याची माहिती पैठणचे सहायक वनसंरक्षक अधिकारी राजेंद्र नाळे यांनी दिली.

फ्लेमिंगोंना मराठीत रोहित म्हटले जाते.

सायबेरियातूनही अनेक फ्लेमिंगो काही काळासाठी स्थलांतरित होतात.

या पुढील काळात फ्लेमिंगोच्या संख्येत आणखी वाढ होईल, असं सांगितलं जात आहे.

फ्लेमिंगोसोबतच नाथसागरात सूरय प्रजातीचे पक्षी देखील आढळून आले.