“ही नवरी असली अरे हा नवरा असला…” साखरपुड्याला नवरा-नवरीने केला भन्नाट डान्स; VIDEO एकदा पाहाच

लग्न म्हणजे प्रत्येकाच्या आयुष्यातील एक खास, महत्त्वाचा असा क्षण असतो आणि हा क्षण फक्त नवरा-नवरीच नव्हे तर सर्वांच्या कायम लक्षात राहावा यासाठी प्रयत्न केले जातात. अगदी सध्या नवरा-नवरीसुद्धा आपल्याच लग्नात काही ना काही सरप्राइझ देण्याचा प्रयत्न करतात. प्रत्येक जण आपल्या लग्नाचा दिवस कायम लक्षात रहावा यासाठी वेगवेगळ्या पद्धतीने साजरा करतात. लग्न म्हटल्यावर भरमसाठ नातेवाईक, पंचपक्वान आणि डीजेचा ताल या गोष्टी आल्याच. अशातच आता डान्सशिवाय लग्न पूर्ण होतच नाही. अशाच एका नवरा नवरीने साखरपुड्यात भन्नाट डान्स केला आहे. याचा व्हिडीओ सध्या सोशल मीडियावर व्हायरल झाला असून पाहून तुम्हीही कौतुक कराल. या व्हिडीओमध्ये तुम्ही पाहू शकता, “ही नवरी असली, अरे, ही मनात ठसली..हा नवरा असला, अरे, हा कोपऱ्यात बसला” या मराठमोळ्या गाण्यावर दोघही डान्स करत आहेत.

यावेळी नवरी-नवरदेवाचे डान्स मूव्ह पाहून तर सारेच जण आश्चर्य झाले. रोमॅंटिक डान्स करत असताना त्या दोघांमधली केमिस्ट्री स्पष्टपणे दिसून येत आहे. यावेळी दोघेही एकमेकांच्या प्रेमात बुडालेले दिसून येत आहेत. यावेळी दोघेही खूप आकर्षक दिसत आहेत. नवरदेव आणि नवरीने साखरपुड्याला सेम रंगाचे कपडे घातले आहेत. नवरा नवरी हा मराठमोळा डान्स करत असताना आजुबाजूला असणाऱ्या साऱ्यांच्याच नजरा या जोडप्यांवर होत्या.

पाहा व्हिडीओ

हा व्हिडीओ artsvilla_of_amit_ghadi या इन्सटाग्राम अकाऊंटवरून शेअर करण्यात आलाय. मात्र बघता बघता हा व्हिडीओ सोशल मीडियावरील इतर प्लॅटफॉर्मवरही शेअर होऊ लागलाय. हा व्हिडीओ पाहिल्यानंतर प्रत्येकजण नवरा-नवरीच्या डान्सचं कौतूक करताना दिसत आहे.