Viral Video: गच्चीवर माकड उडवत होते पतंग; नेटकरी म्हणतात, “उत्क्रांतीचा वेग वाढला”

दोन दिवसांपासून हा व्हिडिओ व्हायरल झाला आहे. या व्हिडिओमध्ये माकड पतंगाचा मांजा पकडून ढील देताना दिसत आहे. माकडाला पतंग उडवताना पाहून अनेकजण आरडाओरड करुन त्याला प्रोत्साहन देताना दिसत आहे. अनेक लोकं आरडाओरड करतानाचा आणि हसतानाचा आवाज या व्हिडिओमध्ये ऐकू येत आहे. व्हिडिओच्या शेवटी हे माकड पतंग खाली खेचून हातात पकडताना दिसत आहे.

“लॉकडाउनमुळे खूप झपाट्याने उत्क्रांती होताना दिसत आहे,” अशी कॅप्शन देत इंडियन फॉरेस्ट सर्व्हिसेसचे अधिकारी असणाऱ्या सुशांत नंदा यांनी ट्विटवरुन हा व्हिडिओ शेअर केला आहे. “माकड पतंग उडवताना दिसत आहेत. हो हे माकडच आहे,” असंही त्यांनी व्हिडिओ पोस्ट करताना म्हटलं आहे.

अनेकांनी या व्हिडिओवर प्रितिक्रिया नोंदवताना माकडाचे कौतुक केलं आहे तर काहींनी यावर मजेदार कमेंट केल्या आहेत.

अनेकांना प्रयत्न करुनही हे जमत नाही…

मस्त व्हिडिओ

माकड पंतंग उडवू शकतो असं कधी वाटलं नव्हतं

माझ्यापेक्षा चांगली पतंग उडवली माकडाने

काही दिवसांनी माकडं हे ही करतील

काही दिवसामध्ये जुमांजी चित्रपटासारखी परिस्थिती होईल जगभरात

हा व्हिडिओ ३१ हजारहून अधिक वेळा पाहिला गेला आहे. तर तीन हजारहून अधिक जणांनी हा व्हिडिओ लाइक केला आहे.