ड्युटी सांभाळताना पोलिसांनी धरला ठेका; मुंबई लोकलमधला ‘हा’ VIDEO एकदा पाहाच

आपल्या सगळ्यांना माहिती आहे, महिलांच्या लोकल डब्यात रात्रीचे पोलीस तैनात असतात. महिलांच्या सुरक्षेसाठी पोलीस नेहमी पाहायला मिळतात. हे पोलीस आपलं कर्तव्य चोख पार पडत असले तरी त्यांच्या वर्दीमागे एक सामान्य माणूस असतो. त्यालाही कधीतरी कंटाळा येतो, किंवा त्याच्याही काही आवडी निवडी असतात. अशाच एका पोलिसांचं छुपं टॅलेंट या तरुणीनं बाहेर काढलं.

या व्हिडीओमध्ये तुम्ही पाहू शकता, एक तरुणी ट्रेनमध्ये अचानक नाचू लागते, तिला पाहून पोलीस सुरुवातीला गोंधळतात मात्र नंतर ते सुद्धा तिच्या सोबत नाचू लागतात. ड्युटी सांभाळताना पोलिसांनी धरेलला हा ठेका पाहून सर्वच आवाक् झाले. ट्रेनमध्ये असलेले इतर प्रवासीही या पोलिसांकडे पाहत राहिले. पोलिसांनी नाचण्याचा मनसोक्त आनंद घेतल्यानं नेटकरी तरुणीचं कौतुक करत आहेत.

पाहा व्हिडीओ

हेही वाचा >> जेव्हा स्वप्न पूर्ण होते! आई विमानात बसली आणि कळले आपला लेकच पायलट आहे; माय-लेकाचा हृदयस्पर्शी VIDEO

तरुणी खरोखर पोलिसांसोबत नाचत आहे की पोलिसांच्या पोषाखात दिसत असलेली व्यक्ती फेक आहे याबाबत खरी माहिती अद्याप मिळालेली नाही. मात्र हा व्हिडीओ सोशल मीडियावर जोरदार व्हायरल होतोय आणि लोकांचं मनोरंजन करत आहे. हा व्हिडीओ एक्सवर @Vivekspeaks_ या अकाऊंटवर शेअर करण्यात आला आहे.