‘फक्त रिक्षा मीटरवर धावते…’ खाण्यापासून ते हवामानापर्यंत… ‘त्याने’ बनवला मुंबईचे वर्णन करणारा जबरदस्त VIDEO

देवाने मुंबई कशी बनवली?

‘देवाने मुंबई कशी निर्माण केली’ असे या रीलचे शीर्षक होते. शहरातील जागेच्या समस्यांकडे लक्ष वेधून, ‘मुंबई? मुंबईमध्ये जागा कमी आणि लोक जास्त, रिक्षा, बेस्ट, मोनो रेल, मेट्रो, लोकल, टॅक्सी जवळपास वाहतुकीची सर्वच साधने आहेत. पण, रिक्षा मात्र मीटरवरच धावते. वातावरणाबद्दल सांगायचे झाल्यास उन्हाळ्यात प्रचंड उकाडा असतो. तर, हिवाळ्यात पहाटे ५ व रात्री १२ वाजता थंडी आणि मग पूर्ण दिवस ऊन असते. तर जून, जुलै, ऑगस्ट, सप्टेंबर आणि हो ऑक्टोबरमध्येही पाऊस, असे देवाने मुंबईला बनवल्याचे या व्हिडीओमध्ये सांगण्यात आले आहे. तुम्हीसुद्धा बघा हा खास व्हायरल व्हिडीओ (Video) …

व्हिडीओ नक्की बघा…

आमची मुंबई

व्हायरल व्हिडीओत (Video) तुम्ही पाहिले असेल की, मुंबई शहराचे निरीक्षण करून, अगदी हुबेहूब वर्णन या व्हिडीओत करण्यात आले आहे. त्यामध्ये वाहतूक, वातावरण, राहणीमान आणि दिल्लीपेक्षा जास्त चांगले पदार्थ मुंबईत, मुंबईच्या प्रत्येक रस्त्यावर खड्डे, मुंबई लोकल ट्रेनच्या प्रवाशांना ‘मुंबादेवी’चे दर्शन घेण्यासाठी मशीद बंदरला उतरावे लागेल, तर हाजी अली दर्ग्याला भेट देण्यासाठी महालक्ष्मी रेल्वेस्थानकावर उतरावे लागेल आदी गोष्टी या व्हिडीओत सांगण्यात आल्या आहेत; ज्या तुम्हालासुद्धा पटतील.

सोशल मीडियावर व्हायरल होणारा हा व्हिडीओ @nustatushar या इन्स्टाग्राम अकाउंटवरून शेअर करण्यात आला आहे. व्हिडीओ पाहून नेटकरीसुद्धा इन्स्टाग्राम युजरचे कौतुक करताना दिसत आहेत. आमची मुंबई, मला मुंबईकर असल्याचा अभिमान आहे, मुंबई मेरी जान, रिक्षा मीटवर चालणार हे बेस्ट होते, ऑक्टोबरमध्ये पाऊस पडणे तर निश्चित आहे, बेस्ट व्हिडीओ, आमच्या मुंबईत असेच असते आदी अनेक कमेंट्स नेटकऱ्यांनी व्हिडीओखाली केल्याचे दिसत आहे.