लॉकडाऊनच्या काळात विद्यार्थ्यांचे शैक्षणिक नुकसान होऊ नये म्हणून सरकारने ऑनलाईन शिक्षण पद्धतीचा वापर करण्याचे आदेश सर्व शाळांना दिले. मात्र सगळ्याच विद्यार्थ्यांकडे ऑनलाईन शिक्षण घेण्यासाठी अँड्रॉइड मोबाईल असतीलच असं नाही. पुण्यातील कर्वेनगर येथील ज्ञानदा प्रतिष्ठान नूतन बालविकास मंदिर यांच्यामार्फत याचसंदर्भात एक स्तुत्य उपक्रम हाती घेण्यात आलाय. संस्थाचालकांनी शाळेच्या मुख्याध्यापिका, आणि शाळेतील इतर शिक्षक आणि शिक्षिका यांनी पुणेकरांना आव्हान केलंय की त्यांनी त्यांचे सुस्थितीत असणारे मोबाईल, जे त्यांना वापरायचे नाहीयेत, त्या संस्थेला देणगी स्वरूपात द्यावे जेणेकरून गरीब मुलांना ते मोबाईल आपल्या अभ्यासासाठी वापरता येतील.