देवेंद्र फडणवीस यांनी आदित्य ठाकरेला मुख्यमंत्री करण्याचा शब्द दिला होता, असा दावा उद्धव ठाकरेंनी केल्यानंतर महाराष्ट्राच्या राजकारणात एका नव्या वादाला तोंड फुटले. २०१९ साली अमित शाह यांच्या मातोश्री भेटीत काय काय झाले? यावर दोन्ही बाजूंनी अनेकदा भाष्य करण्यात आले आहे. वेळोवेळी गौप्यस्फोटही करण्यात येतात. मात्र उद्धव ठाकरेंनी दक्षिण मध्य मुंबई लोकसभा मतदारसंघात घेतलेल्या प्रचारसभेत त्यावर सविस्तर भाष्य केले.