VIDEO: ...अन् अजान ऐकताच अमित शाह यांनी थांबवलं भाषण, लोकांनी टाळ्या वाजवून केलं कौतुक | Central Home Minister BJP Amit Shah stops speech after hearing Azan in Jammu Kashmir rally sgy 87 | Loksatta

VIDEO: भाषण सुरु होताच मशिदीतून आला आवाज, अमित शाहांनी विचारलं “काय सुरु आहे?”, ‘अजान’ उत्तर मिळताच केलं असं काही

…अन् अजान ऐकताच अमित शाह यांनी थांबवलं भाषण, लोकांनी टाळ्या वाजवून केलं कौतुक

VIDEO: भाषण सुरु होताच मशिदीतून आला आवाज, अमित शाहांनी विचारलं “काय सुरु आहे?”, ‘अजान’ उत्तर मिळताच केलं असं काही
अमित शाहांचं भाषण सुरु असतानाच मशिदीत प्रार्थना सुरु असल्याची चिठ्ठी

केंद्रीय गृहमंत्री अमित शाह सध्या जम्मू काश्मीरच्या दौऱ्यावर आहेत. बुधवारी त्यांनी बारामुल्ला जिल्ह्यातील एका सभेला संबोधित केलं. दरम्यान, भाषण सुरु असतानाच जवळच्या मशिदीत अजान सुरु झाल्याने अमित शाह यांनी काही वेळासाठी आपलं भाषण थांबवलं. यानंतर उपस्थितांनीही अमित शाह यांचं टाळ्या वाजवून कौतुक केलं. अमित शाह यांच्या सभेतील हा व्हिडीओ सध्या सोशल मीडियावर चर्चेचा विषय ठरत आहे.

बारामुल्ला जिल्ह्यातील शौकत अली स्टेडियममध्ये अमित शाह यांनी भाषणाला सुरुवात केल्यानंतर काही वेळातच मशिदीतून आवाज येऊ लागला. अमित शाह यांनी मंचावर उपस्थित नेत्यांना “मशिदीत काही सुरु आहे का?” अशी विचारणा केली. त्यावर त्यांना अजान सुरु असल्याचं सांगण्यात आलं. यानंतर अमित शाह यांनी आपलं भाषण थांबवलं.

पाकिस्तानशी चर्चा नाही! ; गृहमंत्री अमित शहा यांनी ठणकावले; काश्मीरमध्ये पारदर्शक पद्धतीने निवडणुकांची ग्वाही

अजान संपल्यानंतर त्यांनी लोकांना भाषण पुन्हा सुरु का? असं विचारलं. ते म्हणाले “जवळच्या मशिदीमध्ये प्रार्थना सुरु होणार असल्याचं मला एका चिठ्ठीद्वारे समजलं. आता प्रार्थना संपली आहे. पुन्हा भाषण सुरु करतो. चालेल ना?”. यानंतर उपस्थितांनी टाळ्या वाजवत त्यांचं कौतुक केलं. दरम्यान, भाषणाला सुरुवात करण्याआधी त्यांनी तासाभरापासून जास्त वेळ वाट पाहणाऱ्या लोकांचे आभार मानले.

“पाकिस्तानशी चर्चा करणार नाही”

“काही लोक मला पाकिस्तानशी चर्चा करण्याचा सल्ला देत आहेत. पण मी त्यांच्याशी चर्चा करु इच्छित नाही. मात्र जम्मू-काश्मीरच्या जनतेशी मला बोलायचे आहे. मोदी सरकार हे दहशतवाद सहन करत नाही, तो नष्ट करते. जम्मू-काश्मीर हा देशातील सर्वात शांत प्रदेश व्हावा, यासाठी आम्ही काम करत आहोत,’’ असे शाह म्हणाले.

“पारदर्शक पद्धतीने निवडणुका होणार”

निवडणूक आयोगाने अंतिम मतदारयादी तयार केल्यानंतर या केंद्रशासित प्रदेशातील विधानसभा निवडणुकीचा कार्यक्रम जाहीर केला जाईल आणि या निवडणुका संपूर्णत: पारदर्शक पद्धतीने पार पाडल्या जातील अशी हमीदेखील अमित शाह यांनी दिली.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
लष्कराचे हेलिकॉप्टर कोसळले; लेफ्टनंट कर्नल शहीद

संबंधित बातम्या

“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
पत्रकार रवीश कुमार यांचा राजीनामा; २६ वर्षांनंतर NDTV ची साथ सोडली
Delhi Murder Case: श्रद्धा खून प्रकरणाला वेगळं वळण? आफताबकडून पॉलीग्राफी चाचणीत धक्कादायक खुलासे
“सर, तुम्ही मफलर का घातला नाही?” महिलेनं विचारलेल्या प्रश्नावर केजरीवालांचं भन्नाट उत्तर, प्रचारादरम्यानचा किस्सा व्हायरल
आफताबने आधीपासूनच रचला होता श्रद्धाच्या खूनाचा कट? पॉलीग्राफी चाचणीत विचारण्यात आले ‘हे’ सात प्रश्न

व्हिडिओ

ताज्या बातम्या
ऊस गाळपाची गती मंदावली, शेतकरी चिंतेत; लातूर जिल्ह्यातील चित्र
“…तर आता यांच्या पोटात गोळा यायला लागला”, उद्धव ठाकरेंचं राज ठाकरेंवर टीकास्र
“…तर तुम्ही मूर्ख, खोटारडे आणि ढोंगी आहात” उद्धव ठाकरेंवरील ‘त्या’ आरोपांवरून राऊतांचा भाजपावर घणाघात
पुणे: गडकिल्ले संवर्धनासाठी दोन वर्षांनंतर समित्या स्थापन
पुणे: नवले पुलाजवळ पुन्हा अपघात; ट्रकची मालवाहू गाडीला धडक; सात जण जखमी