Ravi Shastri On Ishan Kishan And K S Bharat : वर्ल्ड टेस्ट चॅम्पियनशिपच्या फायनल सामन्यासाठी टीम इंडियाने जोरदार तयारी सुरु केली आहे. नेटमध्ये सराव करताना कोणता खेळाडू चमकदार कामगिरी करतो, याचा अभ्यास केल्यानंतर टीम इंडिया विकेटकीपर म्हणून इशान किशनला सामील करण्याच्या विचारात आहे. परंतु, नेटमध्ये काहीतरी वेगळं दाखवलं जातं आणि संघ निवडीच्या वेळी काहीतरी वेगळं घडतं. त्यामुळे टीम इंडियाच्या प्लेईंग इलेव्हन मध्ये के एस भरतची निवड होणार की ईशान किशनला संधी मिळणार? याबाबत जाहीरपणे सांगता येणार नाही. परंतु, दिग्गजांकडून याबाबत प्रतिक्रिया दिल्या जात आहेत. ऑस्ट्रेलियाचा माजी दिग्गज फलंदाज मॅथ्यू हेडनने म्हटलं आहे की, ईशान किशनला मैदानात उतरवणे योग्य ठरेल. अशातच आता रवी शास्त्री यांनीही यावर मोठी प्रतिक्रिया दिली आहे.
शास्त्री यांनी स्टार स्पोर्ट्सशी बोलताना म्हटलं की, आता तुम्ही डब्ल्यूटीसी फायनलकडे बघत असाल आणि जर मी भारताच्या शेवटच्या फायनलकडे पाहत असेल, तर तुम्ही मागील सामन्यातून काय शिकलात हे पाहणंही महत्वाचं ठरतं. अशातच तुम्हाला असा एक संघ निवडावा लागतो जो परिस्थितीशी अनुकूल असेल. मागील सामन्यात साउथंप्टनमध्ये हवामान अनुकूल नव्हतं. आता यावेळी मी माझ्या प्लेईंग ११ मध्ये रोहित, गिल, पुजारा, कोहली आणि नंबर पाचसाठी अजिंक्य रहाणेला निवडणं आवडेल.
शास्त्री पुढे म्हणाले की, आता के एस भरत आणि ईशान किशन यांच्यात सामना सुरु आहे. मला असं वाटतं की, ते कोणत्या खेळाडूला खेळवणार आहेत. जर दोन स्पिनर खेळणार असतील, तर किपर के एस भरत असू शकतो. परंतु, टीम इंडिया जर चार पेसर आणि एक स्पिनरला खेळवणार असतील, अशावेळी ईशान किशनला खेळवणं योग्य ठरेल. नंबर सहावर रविंद्र जडेजा आणि सातवर मोहम्मद शमीचं नाव असेल. तसचं नंबर आठवर मोहम्मद सिराज
मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ravi shastri gives big statement on ishan kishan and ks bharat wicketkeeping ahead of wtc final 2023 know about team india playing eleven nss