लातूर : सिलिंडरच्या स्फोटात फुगे विकणाऱ्या व्यक्तीचा मृत्यू झाला. तर चार ते आठ वर्षातील सात ते आठ बालके गंभीर जखमी झाले. लातूर शहरातील तावरजा कॉलनी भागात रविवारी सायंकाळी ही घटना घडली. मृत फुगेवाला हा एका दुचाकीवर गॅस सिलिंडर घेऊन आलेला होता. त्याच्याजवळ फुगे घेण्यासाठी म्हणून सात ते आठ मुले आलेली होती.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
यादरम्यान, अचानक सिलिंडरचा स्फोट होऊन प्रचंड मोठा आवाज झाला. या स्फोटात फुगे विकणारा व्यक्ती जागीच ठार झाला आहे. याची माहिती मिळताच विवेकानंद पोलीस ठाण्याचे पोलीस अधिकारी सुधाकर वावकर आणि त्यांचे दोन पथके घटनास्थळी दाखल झाली. तात्काळ रुग्णवाहिकेला पाचारण करण्यात आले आणि त्यामधून जखमी लहान मुलांना लातूर येथील विलासराव देशमुख शासकीय वैद्यकीय महाविद्यालयात दाखल करण्यात आले आहे.
First published on: 15-10-2023 at 20:46 IST
मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Death of an balloon seller in a cylinder explosion 7 8 children serious ysh