“मुख्यमंत्री उद्धव ठाकरेंच्या समर्थनार्थ ‘प्रोफाईल पिक्चर’ बदला”; शिवसेनेकडून सोशल मीडियावर मोहीम

मुख्यमंत्री उद्धव ठाकरे समर्थक गटाकडून सोशल मीडियावर आणखी एक मोहीम राबवण्यात येत आहे.

Shivsena flag
प्रतिनिधिक छायाचित्र

शिवसेनेतील बंडखोरीनंतर बंडखोर एकनाथ शिंदे गट आणि पक्षप्रमुख उद्धव ठाकरे समर्थकांच्या गटामध्ये राजकीय कुरघोड्या सुरू आहेत. अशातच दोन्ही गट आपआपल्या समर्थकांच्या माध्यमातून शक्तीप्रदर्शनही करत आहे. ठाकरे गटाने राज्यभरात संघटनात्मक पातळीवर मेळावे घेत संपर्क अभियानाला वेग दिलाय. अशातच आता ठाकरे समर्थक गटाकडून सोशल मीडियावर आणखी एक मोहीम राबवण्यात येत आहे. या मोहिमेत शिवसैनिकांना मुख्यमंत्री उद्धव ठाकरे यांच्या समर्थनार्थ सोशल मीडियावरील प्रोफाईल फोटो बदलण्याचं आवाहन केलं जात आहे. सोबत एक फोटोही शेअर केला जातोय.

शिवसेनेकडून सोशल मीडियावर शिवसैनिकांना एक मेसेज पाठवला जात आहे. यात म्हटलं आहे, “महाराष्ट्र दिल्लीसमोर झुकणार नाही, महाराष्ट्र विकणार नाही. केंद्रीय यंत्रणेच्या मदतीने दिल्लीत बसलेले सरकार आपल्या महाराष्ट्रावर कुरघोडी करण्याचे प्रयत्न करत आहे, पण महाराष्ट्राचे लढवय्ये मावळे हे मनसुबे उधळून लावतील. आपणा सर्वांना एक विनंती आहे की, शिवसेना पक्षप्रमुख, मुख्यमंत्री उद्धव ठाकरे यांच्या समर्थनात सर्वांनी सामाजिक माध्यमांवर (फेसबुक, ट्विटर, Whatsapp, इत्यादीवर) आपला प्रोफाईल पिक्चर (डीपी) बदलावा.”

हेही वाचा : Photos : हेच ते ४० बंडखोर आमदार, कुणाची संपत्ती किती, कोणते गुन्हे दाखल? वाचा सविस्तर…

“आपण सर्वांच्या एकजुटीने आपण दाखवून देऊया की महाराष्ट्र दिल्लीसमोर झुकणार नाही, महाराष्ट्र विकणार नाही. जय महाराष्ट्र,” असं या पोस्टमध्ये सांगण्यात येत आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shivsena social media campaign ask supporter to change dp profile picture pbs

Next Story
मुख्यमंत्री, पर्यावरण मंत्र्यांसह राऊतांविरोधात याचिका ; राज्यात शांतता भंग करत असल्याचा आरोप
ताज्या बातम्या
फोटो गॅलरी