Ratris khel chale 3 serial Vacchi come back with new look photos viral nrp 97 | चेहऱ्यावर सुरकुत्या, पांढरा टिळा, ‘रात्रीस खेळ चाले ३’ मधील वच्छीचा नवा लूक पाहिलात का?

गूढ आणि थराराने परिपूर्ण अशी मालिका म्हणून ‘रात्रीस खेळ चाले ३’ या मालिकेला ओळखले जाते. या मालिकेच्या पहिल्या दोन पर्वांप्रमाणेच तिसऱ्याही पर्वाला प्रेक्षकांचा भरभरुन प्रतिसाद मिळत आहे. सध्या ही मालिका प्रेक्षकांच्या चांगलीच पसंतीस उतरताना पाहायला मिळत आहे. दोन भागांची सांगड घालून मालिकेत अनेक रहस्य उलगडली जात आहेत.लवकरच या मालिकेत वच्छी परत येणार आहे. नुकतंच झी मराठीने त्यांच्या इन्स्टाग्रामवर वच्छीचे म्हणजे अभिनेत्री संजीवनी पाटील हिचे काही फोटो शेअर केले आहेत. यात वच्छीचा नवा लूक पाहायला मिळत आहे. या फोटोत वच्छीही माईंप्रमाणेच म्हातारी झालेली दिसत आहे. तिच्या हातात काठी, डोक्यावर पांढरा टिळा आणि चेहऱ्यावर सुरकुत्या पडलेल्या दिसत आहेत. तिचे पांढरे झालेले केस, पांढऱ्या रंगाची साडी हा लूक पाहून प्रेक्षकही फार भारावले आहेत. अनेकजण तिच्या या नव्या लूकचं कौतुक करताना दिसत आहे.वाड्याचा जिला हव्यास होता ती वच्छी नेमकं काय करणार? खरंच माईच्या पाठीशी उभी राहणार का? शोभा, काशीच्या मृत्यूचा सूड घेणार का? यासारख्या अनेक प्रश्नांची उत्तर सध्या उपस्थित केली जात आहे. त्यामुळे मालिकेच्या आगामी भागातच प्रेक्षकांना वच्छीच्या येण्याने एक रंजक वळण पाहायला मिळेल.