समांथाचा ग्लॅमरस अंदाज, बिकिनी फोटोंची सर्वत्र चर्चा

दाक्षिणात्य चित्रपटसृष्टीतील लोकप्रिय अभिनेत्री म्हणून अभिनेत्री समांथा रुथ प्रभू हिला ओळखले जाते. समांथाने तिच्या सौंदर्यासोबतच अभिनयाची छाप पाडून स्वत:ची वेगळी ओळख निर्माण केली आहे. तिने ‘ये माया चेसवे’ या चित्रपटातून २०१० साली टॉलिवूडमध्ये पदार्पण केलं. पतीला घटस्फोट दिल्यानंतर समांथाही सातत्याने चर्चेत आहे. ती सध्या तिच्या करिअरवर लक्ष केंद्रीत करताना दिसत आहे. नुकतंच समांथाने बिकिनी लूकमधील काही फोटो शेअर केले आहेत. यामुळे ती चर्चेत आली आहे. समांथाने नुकतंच Burberry या कपड्याच्या ब्रँडसाठी एक बोल्ड फोटोशूट केले आहे. यात तिने बिकीनी परिधान केली आहे. यात ती फार बोल्ड आणि ग्लॅमरस दिसत आहे. तिच्या या फोटोला लाखो लाइक्स आणि कमेंट्स पाहायला मिळत आहे. तर काहींनी तिला या फोटोशूटवरुन ट्रोलही केले आहे. समांथा ही लवकरच ‘शकुंतलम’ आणि ‘यशोदा’ यासारख्या चित्रपटात झळकणार आहे. त्यासोबतच समांथा ही सध्या अभिनेता विजय देवरकोंडासोबत स्क्रीन शेअर करत आहे. या चित्रपटाचे शूटींग काश्मीरमध्ये सुरु आहे. समांथा आणि विजय यांचा हा चित्रपट रोमँटिक असणार आहे. दिग्दर्शक शिव निर्वाण हे या चित्रपटाचे दिग्दर्शन करत आहे.