"रविवारची एक सकाळ", गश्मीर महाजनीचे हटके फोटोशूट

मराठी चित्रपटसृष्टीतला हँडसम हंक म्हणून अभिनेता गश्मीर महाजनी ओळखला जातो. गश्मीर हा प्रसिद्ध ज्येष्ठ अभिनेते रविंद्र महाजनी यांचा मुलगा आहे. ‘कॅरी ऑन मराठा’ या चित्रपटाद्वारे त्याने मराठी सिनेसृष्टीत पदार्पण केले. गश्मीर महाजनीने अगदी कमी वेळातच सिनेसृष्टीत वेगळी छाप निर्माण केली आहे. 'देऊळबंद', 'कान्हा', 'वन वे टीकेट' आणि 'मला काहीच प्रॉब्लेम नाही' यांसारखे त्याचे चित्रपट गाजले आणि त्यातील त्याच्या भूमिकांसाठी त्याचे कौतुक झाले. कलाविश्वाप्रमाणेच अभिनेता गश्मीर महाजनी सोशल मीडियावर बऱ्यापैकी सक्रिय असतो. गश्मीरने नुकतंच एक फोटोशूट केलं आहे. या फोटोशूटची सध्या सोशल मीडियावर चांगलीच चर्चा होत आहे. यात त्याने पांढऱ्या रंगाचा कुर्ता परिधान केला आहे. याला गश्मीर महाजनीने हटके कॅप्शन दिले आहे. "रविवारची एक सकाळ", असे कॅप्शन गश्मीर महाजनीने दिले आहे. गश्मीर महाजनीने आपल्या अभिनयानं मोठा पडद्यावर काम केल्यानंतर त्याचा मोर्चा मालिकांकडेही वळवला होता. त्यामुळे त्याची लोकप्रियता वाढली आहे.