'ही म्हातारी आजी कोण?', नव्या फोटोशूटमुळे सोनाक्षी सिन्हा ट्रोल

बॉलिवूड अभिनेत्री सोनाक्षी सिन्हा ही लोकप्रिय अभिनेत्रींपैकी एक आहे. गेल्या काही दिवसांपासून ती तिच्या वैयक्तिक आयुष्यामुळे चर्चेत आहे. मात्र नुकतंच सोनाक्षीने सोशल मीडियावर काही फोटो पोस्ट केले आहेत. त्यामुळे तिला ट्रोल केले जात आहे. सोनाक्षी सिन्हाने इन्स्टाग्रामवर हटके लूकमधील काही फोटो पोस्ट केले आहेत. यात तिचे केस पांढऱ्या रंगाचे दिसत आहे. यामुळेच नेटकरी तिला ट्रोल करताना दिसत आहेत. याला कॅप्शन देताना ती म्हणाली "हा माझा नवा लूक नक्कीच नाही. पण हा हटके लूक आहे." त्यावर एका नेटकऱ्याने कमेंट करत 'ही म्हातारी आजी कोण आहे?' असा प्रश्न विचारला आहे. तर एकाने 'हे सर्व काय आहे दीदी' असे विचारले आहे. दरम्यान सोनाक्षी ही लवकर Double XL या चित्रपटात झळकणार आहे. यात तिच्यासोबत जहीर इक्बाल स्क्रीन शेअर करत आहे.