'बिग बॉस मराठी'च्या एका भागासाठी महेश मांजरेकर किती मानधन घेतात? जाणून घ्या

छोट्या पडद्यावरील वादग्रस्त कार्यक्रम म्हणून ‘बिग बॉस’ या कार्यक्रमाकडे पाहिलं जातं. ‘बिग बॉस मराठी’ हा शो लोकप्रिय शोपैकी एक आहे.‘बिग बॉस मराठी’चे तीनही पर्व चांगलेच गाजले होते. बिग बॉसच्या स्पर्धकांमधील राडे, नवनवीन टास्क, मैत्री आणि होणारे वाद यामुळे हा शो कायमच चर्चेत राहिला आहे. बिग बॉसचे तीनही पर्व हिट ठरल्यानंतर आता लवकरच चौथे पर्व प्रेक्षकांच्या भेटीला येणार आहे. काही दिवसांपूर्वी या शोचा टीझर प्रदर्शित करण्यात झाला होता. या तिन्ही भागाचे सूत्रसंचालन महेश मांजरेकर यांनी केलं होतं. त्यानंतर आता बिग बॉसच्या चौथ्या पर्वाचे सूत्रसंचालन महेश मांजरेकर करणार आहेत. पण या शोसाठी महेश मांजरेकर किती मानधन घेतात याबद्दल विविध चर्चा रंगल्या आहेत. नुकतंच याची माहिती समोर आली आहे. महेश मांजरेकर यांची निर्माता, दिग्दर्शक, अभिनेते, लेखक अशी ओळख सांगितली जाते. वास्तव, अस्तित्व, स्लमडॉग मिलियनिअर, वॉन्टेड अशा अनेक दर्जेदार चित्रपटांचे दिग्दर्शन केले आहे. नटसम्राट, काकस्पर्श, मी शिवाजीराजे भोसले बोलतोय, दे धक्का अशा सुपरहिट सिनेमांसाठी त्यांना ओळखलं जातं. बिग बॉसच्या मराठीच्या चौथ्या पर्वाचे सूत्रसंचालन महेश मांजरेकर करणार आहेत. बिग बॉस मराठीच्या एका भागासाठी तब्बल २५ लाख रुपये मानधन घेतात, असे बोललं जात आहे. ते बिग बॉस मराठीच्या एकूण पर्वासाठी कोट्यावधी रुपये आकारतात. बिग बॉसच्या मराठीच्या चौथ्या पर्वात त्यांच्या मानधनात आणखी वाढ होणार असल्याचे बोललं जात आहे. मात्र अद्याप याबद्दल कोणतीही अधिकृत माहिती समोर आलेली नाही.