-
आपल्या भारदस्त आवाजासाठी आणि दमदार अभिनय आणि व्यक्तिमत्त्वासाठी ओळखला जाणारा अभिनेता म्हणजे शरद केळकर.
-
‘हर हर महादेव’ या चित्रपटात शरद केळकरने बाजीप्रभू देशपांडे यांची भूमिका साकारली होती.
-
तर ‘तान्हाजी’ चित्रपटातील त्याने साकारलेली छत्रपती शिवाजी महाराजांची भूमिका प्रेक्षकांनी अक्षरशः डोक्यावर घेतली.
-
जगभरात नावलौकिक मिळवणाऱ्या ‘बाहुबली’ या चित्रपटातील प्रभासला हिंदीत आवाज शरद केळकरने दिला होता.
-
आता लवकरच शरद केळकरचा ‘चोर निकाल के भागा’ हा चित्रपट प्रदर्शित होणार आहे.
-
या निमित्ताने त्याने दिलेल्या एका मुलाखतीत चित्रपटाविषयी आणि पत्नीविषयी भाष्य केलं आहे.
-
शरद केळकर हा सोशल मीडियावर कायमच सक्रीय असतो.
-
तो अनेकदा कुटुंबियांबरोबरचे फोटोही शेअर करत असतो.
-
त्याबरोबर तो अनेकदा पत्नीबरोबरचे मजेशीर व्हिडीओ शेअर करताना दिसतो.
-
फ्री प्रेस जर्नलला दिलेल्या मुलाखतीत शरद केळकरला “चित्रपटासाठी तू पत्नीचा सल्ला घेतोस का?” असे विचारले.
-
त्यावेळी तो म्हणाला, “माझी पत्नी (कीर्ती) नेहमीच मला आयडिया देत असते.”
-
“मी माझ्या स्क्रिप्ट्स तिला वाचून दाखवतो.”
-
“जर तिला त्या आवडल्या नाहीत, तर मी ते करत नाही.”
-
“मी तिला फक्त मला आवडलेल्या गोष्टी सांगतो.”
-
“हा एक थ्रिलर चित्रपट आहे.”
-
“हिस्ट आणि हायजॅक यावर चित्रपटाची गोष्ट बेतली आहे.”
-
“चोर कोण आहे हे कोणालाच माहीत नाही.”
-
“मी चोर आहे की नाही त्यासाठी तुम्हाला चित्रपट पाहावा लागेल.”
-
“हा चित्रपट मुलेदेखील पाहू शकतील.”
-
“हा एक वेगवान आणि मनोरंजक चित्रपट आहे. कथेचा अंदाज येत नाही”, अशी प्रतिक्रिया त्याने दिली आहे.
-
‘चोर निकाल के भागा’ हा चित्रपट येत्या २४ मार्चला नेटफ्लिक्सवर प्रदर्शित होणार आहे.
उद्यापासून ६ जुलै पर्यंत ‘या’ राशींना तिजोरीत मोठा धनलाभ मिळणार? लक्ष्मीकृपेसह अनुभवू शकता शुक्राचे चांदणे
