Photos: पेस्टल साडी, ब्लाऊजचं सुंदर डिझाईन; स्वानंदी टिकेकरच्या साखरपुड्यातील खास फोटो

मराठी चित्रपटसृष्टीतील लोकप्रिय अभिनेत्री-गायिका स्वानंदी टिकेकरचा काल (२३ जुलै) रोजी साखरपुडा पार पडला. काही दिवसांपूर्वी स्वानंदीने आशिष कुलकर्णीबरोबरचा फोटो शेअर करत रिलेशनशिपबाबत घोषणा केली होती. स्वानंदी टिकेकरने साखरपुडा सोहळ्यातील काही फोटो सोशल मीडियावर शेअर केले आहेत. And We’re Engaged! असं कॅप्शन स्वानंदीने या फोटोंना दिल आहे. साखरपुडा सोहळ्यासाठी स्वानंदीने पेस्टल पिस्ता रंगाची साडी नेसली होती. स्वानंदीच्या पेस्टल ब्लाऊजवरील सुंदर डिझाईनने चाहत्यांचे लक्ष वेधून घेतले आहे. आशिषने ही स्वानंदीच्या साडीला मॅचिंग असे जॅकेट परिधान केले होते. स्वानंदी आणि आशिषच्या फोटोंवर सर्वांनी शुभेच्छांचा वर्षाव केला आहे. सर्व फोटोंसाठी #SwanandiAshish असा हॅशटॅग तयार करण्यात आला होता. या दोघांच्या साखरपुड्यातील फोटो आणि व्हिडीओ सध्या सोशल मीडियावर व्हायरल होत आहेत. स्वानंदी टिकेकर ही अभिनेते उदय टिकेकर आणि प्रसिद्ध शास्त्रीय गायिका आरती अंकलीकर यांची मुलगी आहे. स्वानंदीने 'दिल दोस्ती दुनियादारी', 'दिल दोस्ती दोबारा', 'अस्सं माहेर नको गं बाई' आणि 'अगं अगं सुनबाई…' या मालिकांमध्ये मुख्य भूमिका साकारली होती. स्वानंदीचा होणार नवरा आशिष कुलकर्णी हा उत्तम गायक आणि गीतकार आहे. सोनी मराठीवरील 'सिंगिंग स्टार' या गायनाच्या कार्यक्रमाचे विजेतेपद स्वानंदीने पटकावले होते. (सर्व फोटो सौजन्य : स्वानंदी टिकेकर आणि आशिष कुलकर्णी / इन्स्टाग्राम)