Photos : ‘रमा राघव’चा मराठमोळा पेशवाई लग्नसोहळा, नायिकेचं हटके मंगळसूत्र पाहिलंत का?

‘कलर्स मराठी’वरील लोकप्रिय जोडी 'रमा राघव' यांचा लग्नसोहळा मालिकेत १७ मार्चला पार पडणार आहे. या भागात प्रेक्षकांना 'रमा राघव'चा मराठमोळा साज पाहायला मिळणार आहे. मेहंदी, संगीत, हळद या कार्यक्रमानंतर सर्वांच्या मनात रमा-राघवच्या लग्नसोहळ्याची उत्सुकता निर्माण झाली आहे. रमा राघवचं लग्न पेशवाई थाटात आणि दोन्ही कुटुंबांच्या उपस्थितीत जल्लोषात रंगणार आहे. आजवर 'रमा राघव'च्या आयुष्यात आलेली वादळे पाहता, हे लग्न निर्विघ्न पार पडावं ही त्यांच्यासह प्रेक्षकांची इच्छा आहे. पुरोहित आणि परांजपे कुटुंबाचा थाट यावेळी प्रेक्षकांना पाहायला मिळेल. या सगळ्यात रमाच्या मंगळसूत्राने सर्वांचं विशेष लक्ष वेधलं आहे. नायिकेच्या गळ्यातील मंगळसूत्रामध्ये ‘रमाराघव’ असं पेडंट पाहायला मिळत आहे. दरम्यान, लग्नसोहळ्याच्या या विशेष भागाबद्दल सध्या प्रेक्षकांच्या मनात उत्सुकता निर्माण झाली आहे. ( सर्व फोटो सौजन्य : कलर्स मराठी वाहिनी )