८ महिन्यांपूर्वी बांधली लग्नगाठ, बॉलीवूड अभिनेता लवकरच होणार बाबा; डोहाळे जेवणाचे फोटो केले शेअर

बॉलीवूड अभिनेता तनुज विरवानी बाबा होणार आहे. तनुजने काही महिन्यांपूर्वी गर्लफ्रेंड तान्या जेकबशी लग्न केलं होतं, आता या जोडप्याने गूड न्यूज दिली आहे. तनुज विरवानी हा प्रसिद्ध अभिनेत्री रती अग्निहोत्री यांचा मुलगा आहे. तनुज व तान्या लवकरच आईबाबा होणार आहेत. तनुजने तान्याच्या डोहाळे जेवणाचे फोटो इन्स्टाग्रामवर शेअर केले आहेत. या फोटोंमध्ये तनुज, तान्या, रती अग्निहोत्री व इतर काहीजण दिसत आहेत. तनुज विरवानी हा लोकप्रिय अभिनेता आहे. त्याने ‘वन नाइट स्टँड’, ‘पुरानी जीन्स’, ‘योद्धा’, ‘कोड एम’ यासारख्या चित्रपटांमध्ये काम केलं आहे. तनुज नुकताच पत्नी तान्याबरोबर एका इव्हेंटला आला होता, तेव्हा तान्याच्या बेबी बंपने लक्ष वेधून घेतले. तनुजने शेअर केलेले डोहाळे जेवणाचे फोटो खूपच चर्चेत आहेत. तनुज व तान्याच्या या खास सेलिब्रेशनसाठी अभिनत्री रिद्धिमा पंडित गेली होती. तनुज विरवानी आणि तान्या जेकब यांनी २५ डिसेंबर २०२३ रोजी लोणावळ्यात लग्न केलं. या जोडप्याच्या लग्नाला रित्विक धनजानी आणि निक्की तांबोळी यांच्यासह इंडस्ट्रीतील त्यांच्या अनेक मित्र-मैत्रिणींनी हजेरी लावली होती. रती व अनिल यांनी १९८५ साली लग्न केलं होतं. ३० वर्षांनी त्यांनी २०१५ साली घटस्फोट घेतला होता. रती या मुलगा तनुज व सून तान्याबरोबर राहतात. (सर्व फोटो - तनुज विरवानी इन्स्टाग्राम)