ऐश्वर्या नारकरांच्या होणाऱ्या सुनेला पाहिलंत का? ‘तो’ फोटो शेअर दिली प्रेमाची कबुली, ‘झी मराठी’च्या मालिकेत करतेय काम

ऐश्वर्या व अविनाश नारकर यांच्याकडे मनोरंजनविश्वातील आदर्श जोडी म्हणून पाहिलं जातं. यांच्या मुलाचं नाव अमेय आहे. अमेय सध्या परदेशात त्याचं उच्च शिक्षण पूर्ण करत आहे. 'झी मराठी'च्या लोकप्रिय मालिकेत काम करणारी अभिनेत्री ईशा संजयला गेल्या काही वर्षांपासून अमेय डेट करत आहे. ईशाने स्वत: फोटो शेअर करत प्रेमाची कबुली दिली आहे. तसेच नेटकऱ्याच्या प्रश्नाला उत्तर देत त्यांच्या नात्यावर शिक्कामोर्तब केलं आहे. ऐश्वर्या व अविनाश नारकर यांचा लेक अमेयप्रमाणे त्याची गर्लफ्रेंड ईशा संजय देखील तेवढीच सुंदर दिसते. ‘लाखात एक आमचा दादा’ या मालिकेत ईशा संजय सूर्या दादाच्या चार बहिणींपैकी एक राजश्रीची भूमिका साकारत आहे. तिला मालिकेत प्रेमाने सगळे राजू म्हणतात. ईशाने तिच्या सोशल मीडियावर अमेय नारकरबरोबरचे अनेक रोमँटिक फोटो शेअर केले आहेत. नुकतंच अभिनेत्रीने इन्स्टाग्रामवर 'आस्क मी सेशन' घेतलं. यामध्ये एका नेटकऱ्याने तिला लग्नासंदर्भात प्रश्न विचारला. ईशाला नेटकऱ्याने, “तुझं लग्न झालंय का दीदी?” असा प्रश्न विचारला. या प्रश्नावर अभिनेत्रीने दिलेलं उत्तर वाचून दोघंही लाँग डिस्टंस रिलेशनशिपमध्ये आहेत हे स्पष्ट होत आहे. ईशाने या नेटकऱ्याला, “लग्न नाही झालंय कारण, कोणीतरी खूप दूर आहे सध्या” असं उत्तर दिलं आहे. याशिवाय या पोस्टमध्ये ईशाने अमेयला टॅग सुद्धा केलं आहे. अमेय व ईशा गेल्या अनेक वर्षांपासून एकमेकांना ओळखतात. मध्यंतरी या दोघांचा एकत्र डान्स करताना व्हिडीओ सुद्धा व्हायरल झाला होता. ( सर्व फोटो सौजन्य : ईशा संजय इन्स्टाग्राम )