Dashavatar Movie: 'आज खरी राखणदाराची जागा...'; प्रियदर्शिनी इंदलकरची वेंगूरला सफर

मराठी मनोरंजनसृष्टीतील लोकप्रिय अभिनेत्री प्रियदर्शिनी इंदलकर (Priyadarshini Indalkar) लवकरच 'दशावतार' (Dashavatar Marathi Movie) चित्रपटात झळकणार आहे. कोकणच्या लाल मातीतील कला आणि कलेवर जीवापाड प्रेम करणाऱ्या एका निष्ठावंत कलाकाराचा अवतार म्हणजेच 'दशावतार' प्रेक्षकांना पाहायला मिळणार आहे. या चित्रपटाच्या प्रमोशनसाठी प्रियदर्शिनी कोकणातील वेंगूरला (Vengurla) येथे गेली होती. वेंगूरला येथे प्रियदर्शिनीने 'कोकणी रानमाणूस' (Konkani Ranmanus) म्हणजेच प्रसाद गावडेची (Prasad Gawade) भेट घेतली. कोकणातील पर्यटन, इथली खाद्यसंस्कृती, जीवनशैली, शेती याबद्दलची माहिती प्रसाद आपल्या कोकणी रानमाणूस या यूट्यूब चॅनलच्या माध्यमातून देत असतो. प्रियदर्शिनी म्हणाली, 'कोकणी रानमाणूस What An Inspiration You Are. खऱ्या अर्थाने निसर्ग जाणणारा आणि जपणारा माणूस. गप्पांमधून खूप काही शिकायला मिळालं. Podcast Soon ! आज खरी राखणदाराची जागा पाहिली. गाऱ्हाणं घालताना पाऊस सुरु झाला. आशीर्वाद मिळाला देवा म्हाराजा ! असाच आमच्या पाठीशी उभा ऱ्हव !' झी स्टुडिओज प्रस्तुत, ओशन फिल्म कंपनी आणि ओशन आर्ट हाऊस निर्मित 'दशावतार' हा मराठी चित्रपट १२ सप्टेंबरपासून प्रेक्षकांच्या भेटीस येत आहे. या चित्रपटाची कथा, पटकथा लेखन आणि दिग्दर्शन सुबोध खानोलकर (Subodh Khanolkar) यांनी केले आहे. (सर्व फोटो सौजन्य : प्रियदर्शिनी इंदलकर/इन्स्टाग्राम) (हेही पाहा : गौरी कुलकर्णीचा जांभळ्या पैठणी गाऊनमधील मनमोहक लूक चर्चेत)