Photos : अनन्या पांडेच्या घरी बाप्पाचे आगमन! भव्य फुलांच्या सजावटीत व पारंपरिक अंदाजात असे केले बाप्पाचे स्वागत

अनन्या पांडेच्या घरी यंदा गणपती बाप्पांचे आगमन मोठ्या उत्साहात झाले असून, तिच्या कुटुंबासोबत केल्या गेलेल्या पूजेचे फोटो सध्या चर्चेत आहेत. घरातल्या सजावटीकडे पाहताच डोळे दिपून जातात गुलाबी, पांढऱ्या, जांभळ्या व पिवळ्या रंगांच्या फुलांनी तयार केलेली भव्य बॅकग्राऊंड सगळ्यांचे लक्ष वेधून घेत आहे. पारंपरिक पांढऱ्या रंगाच्या आकर्षक कुर्त्यात अनन्या पांडेने बाप्पाची पूजा केली असून, तिचा हा साधा; पण देखणा लूक चाहत्यांना भावतो आहे. खास बाब म्हणजे कुटुंबातील पाळीव कुत्रादेखील पूजेच्या वेळी हजर होता आणि त्याच्या उपस्थितीने या क्षणाला आणखी खास बनवले. गणपती बाप्पांच्या मूर्तीसमोर फळे, नारळ, दिवे, नैवेद्य आणि हार-फुलांचा मनमोहक शृंगार केला गेला असून श्रद्धा व सौंदर्याचा सुंदर मिलाफ दिसून येतो. भव्य फुलांची सजावट, दिव्यांचा उजेड व भक्तिभावाने सजलेला हा गणेशोत्सव घरात सकारात्मकता आणि आनंदाचे वातावरण निर्माण करीत आहे. अनन्या पांडेचे गणपतीच्या पूजेतील फोटो सोशल मीडियावर प्रचंड व्हायरल झाले आहेत. त्यातील सजावट आणि तिच्या पारंपरिक लूकचे कौतुक होत आहे. गणपतीच्या या आनंदोत्सवात अनन्या पांडेचे आई-वडीलदेखील तिच्यासोबत सामील झाले होते. सर्वांनी एकत्रितपणे बाप्पाच्या चरणी प्रार्थना केली. (सर्व फोटो सौजन्य: अनन्या पांडे/ इंस्टाग्राम)