-
दीर्घ काळाच्या प्रतिक्षेनंतर अखेर टाटा मोटर्सची नवीन टाटा सफारी आज (दि.२२ फेब्रुवारी) भारतात लाँच झाली आहे. गेल्या अनेक दिवसांपासून टाटाची ही आयकॉनिक एसयूव्ही चर्चेत होती. आता कंपनीने नव्या सफारीच्या किंमतीचाही खुलासा केलाय.
-
टाटा मोटर्सने नवीन सफारी XE, XM, XT, XT+, XZ आणि XZ+ अशा सहा व्हेरिअंट्समध्ये आणली आहे. यासोबतच कंपनीने ही एसयूव्ही 6-सीटर आणि 7-सीटर अशा दोन्ही मॉडेलमध्येही लाँच केली आहे.
-
यात 7-सीटर मॉडेलमधील सफारी सर्व व्हेरिअंट्समध्ये उपलब्ध आहे, पण 6-सीटर मॉडेल केवळ XZ+ या व्हेरिअंटमध्येच उपलब्ध असेल.
-
2021 Tata Safari डायटोना ग्रे, रॉयल ब्लू आणि ऑर्कस व्हाइट अशा तीन रंगांच्या पर्यायात लाँच करण्यात आली आहे.
-
नवीन सफारीमध्ये 18-इंचाचे अ‍ॅलॉय व्हील्स आहेत, याशिवाय Tata Harrier च्या तुलनेत नवीन सफारी 63 मिलीमीटर लांब आणि जवळपास 80 मिलीमीटर उंच आहे. शिवाय नवीन सफारीचं फ्रंट लूक री-डिझाइन करण्यात आलं असून यात क्रोम एलिमेंट्सही दिले आहेत. सफारीच्या मागील बाजूलाही नवीन एलईडी टेललॅम्पसोबत री-डिझाइन लूक बघायला मिळेल.
-
टाटा मोटर्सने प्रजासत्ताक दिनी(26 जानेवारी) नवीन सफारीवरुन पडदा हटवला होता. त्यानंतर टाटा मोटर्सच्या देशातील कोणत्याही अधिकृत डिलरशीपमध्ये या एसयूव्हीसाठी 4 फेब्रुवारीपासून 30 हजार रुपयांमध्ये बूकिंगला सुरूवात झाली. मात्र, अद्याप कंपनीने या गाडीच्या किंमतीबाबत घोषणा केली नव्हती. आज(दि.22 फेब्रुवारी) कंपनीने किंमत जाहीर केली आहे.
-
टाटाची ही आयकॉनिक एसयूव्ही आहे. या एसयुव्हीचा नवीन अवतार अधिक दमदार आहे.
-
नवीन सफारीची रचना, कार्यक्षमता, मल्टी टास्किंग, सेवा आणि दीर्घकाळ टिकणारी डेव्हलपमेंट क्वालिटी ही वैशिष्ट्ये या एसयूव्हीला पूर्वीपेक्षा अधिक दमदार बनवतात.
-
नवीन Tata Safari मध्ये कंपनीने “OMEGARC” (Optimal Modular Efficient Global Advanced Architecture)प्लॅटफॉर्मचा वापर केलाय. जो लँड रोव्हर च्या D8 प्लॅटफॉर्मपासून घेण्यात आला आहे.
-
टाटाच्या नवीन सफारीची इंटिरिअर थीम Oyster White रंगात असून कंपनी यासोबत Ash Wood डॅशबोर्डही देत आहे. तसेच कंपनीने व्हील आणि फ्रंटसाईडवर क्रोम फिनिश लूक दिला आहे.
-
नवीन सफारीत नवीन एक्सटिरियर पेंट पर्याय, नवीन अलॉय व्हील्स, आतल्या बाजूला सिग्नेचर-स्टाईल डुअल-टोन डॅशबोर्ड, तीन-स्पोक स्टिअरिंग व्हील्स, अँड्रॉइड ऑटो आणि अ‍ॅपल कार-प्लेसह 8.8 इंचांची फ्लोटिंग इन्फोटेन्मेंट सिस्टिम, व्हॉईस रेकग्नायजेशन, 7-इंचाचा इंस्ट्रूमेंट पॅनल असेल.
-
याशिवाय गाडीमध्ये तपकिरी रंगाची लेदर सीट आणि जेबीएल स्पीकर्सही असतील. पुण्यातील टाटाच्या प्लांटमध्ये या एसयूव्हीचं प्रोडक्शन सुरू आहे.
-
इंजिन :- नवीन टाटा सफारीत 2.0 लिटर, 4-सिलिंडर टर्बोचार्ज्ड डिझेल इंजिन मिळेल. हे इंजिन 170 BHP पॉवर आणि 350 Nm टॉर्क निर्माण करतं. यासोबत 6-स्पीड मॅन्युअल किंवा 6-स्पीड ऑटोमेटिक गिअरबॉक्स असेल.
-
याशिवाय इको, सिटी आणि स्पोर्ट असे तीन ड्रायव्हिंग मोड नवीन सफारीमध्ये आहेत. तसेच, तीन ESP टेरेन रिस्पॉन्स मोड- (नॉर्मल, रफ आणि वेट Normal, Tough and Wet) देखील या एसयूव्हीमध्ये आहेत.
-
किंमत किती :- टाटा मोटर्सने नवीन सफारीची बेसिक एक्स-शोरुम किंमत 15 लाखांपेक्षाही कमी ठेवलीये. 14.69 लाख रुपये इतकी या एसयूव्हीची बेसिक एक्स-शोरुम किंमत आहे, तर टॉप व्हेरिअंटची किंमत 21.45 लाख रुपयांपर्यंत आहे. भारताच्या ऑटो मार्केटमध्ये टाटा सफारीची टक्कर नवीन जनरेशन Mahindra XUV500, 7 सीटर Hyundai Creta, MG Hector Plus, Toyota Innova Crysta यांसारख्या एसयूव्हींसोबत असेल. ( वरील फोटोमध्ये New Tata Safari च्या सर्व व्हेरिअंट्सच्या किंमती आहेत.)
लिव्हर खराब झालं तर पायांमध्ये दिसतात ‘ही’ ६ लक्षणे! दुर्लक्ष केलं तर होतील वाईट परिणाम
