Beauty Tips : त्वचेतील उजळपणा हरवलाय? जाणून घ्या रोजच्या जीवनात अवलंबता येणाऱ्या 'या' सोप्या टिप्स | Lost skin radiance? know 'these' tips for daily skincare.

रोजच्या धावपळीच्या जीवनात त्वचेतील तजेलदारपणा, मुलायमपणा हरवल्याची तक्रार अनेकजण करतात. सकाळी उठल्यावर त्वचेला जागं करण्यासाठी काही साध्या गोष्टींचा अवलंब करता येतो. झोपून उठल्यावर सर्वात आधी चेहऱ्यावरील अधिकचं तेल, मृत त्वचा, त्वचेवरील छिद्रातील अशुद्धता काढणे आवश्यक आहे. चेहरा स्वच्छ धुतल्याने रात्रभरात त्वचेत तयार झालेलं अधिकचं तेल, मृत त्वचा, टॉक्सिन निघून जाते. सकाळी उठल्यावर चेहरा धुताना तो फक्त स्वच्छ पाण्याने धुवावा, साबणाचा वापर करू नये. सकाळी उठल्यावर लिंबाचे काप चेहऱ्यावरून फिरवल्यास त्वचेतील धूळ कमी होऊन चेहरा उजळतो. टोमॅटोच्या रस चेहऱ्याला लावून मसाज केल्यास त्वचा मुलायम होते आणि त्वचेचा रंग उजळतो. सकाळी चेहरा थंड दुधाने धुतल्यास त्याने चेहऱ्याचा रंग उजळण्यास मदत होते आणि चेहरा मुलायम होतो तसेच चेहऱ्यावरील काळे डाग घालवण्यासही मदत होते. हाताच्या डाव्या तळव्यावर दोन चमचे मध घेऊन चेहऱ्यावर वर्तुळाकार पद्धतीने पंधरा मिनिटे मालिश करून मग चेहरा गरम पाण्याने धुतल्यास चेहऱ्यावरील केसांची लव कमी होऊन चेहऱ्याचा रंग उजळतो. स्ट्रॉबेरी ही व्हिटॅमिन 'सी'ची महत्त्वाची स्त्रोत असून त्यामुळे डोळ्याखालील सुरकुत्या कमी होऊ शकतात. स्ट्रॉबेरीचा रस हा डोळ्याखाली असणाऱ्या काळ्या वर्तुळांवर प्रभावी असतो. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Pexels)