Healthy Living: तुम्ही मोड आलेले बटाटे खाताय का? होऊ शकतात 'हे' त्रास

बटाटा (Potato Vegetable) ही अबाल-वृद्धांपासून सागळ्यांना आवडणारी भाजी आहे. कोणत्याही भाजीमध्ये बटाटा घातला की त्याची चव द्विगुणित होते. बटाट्यामध्ये भरपूर प्रमाणात कार्बोहायड्रेट्स असतात, जे शरीराला आवश्यक ऊर्जा देतात. बटाट्यात फायबर (Fiber) भरपूर असल्याने पचनक्रिया सुधारते आणि बद्धकोष्ठतेसारख्या समस्या कमी होतात. बटाट्यांना मोड आल्यावर त्यात 'सोलानाइन' (Solanine) नावाचे विषारी घटक तयार होतात. हे घटक जास्त प्रमाणात शरीरात गेल्यास उलट्या, जुलाब, पोटदुखी आणि डोकेदुखी होऊ शकते. मोड आलेल्या बटाट्यांमधील 'सोलानाइन'मुळे पचनसंस्थेशी संबंधित त्रास होऊ शकतात. मोड आलेल्या बटाट्यांमधील कार्बोहायड्रेटचे रूपांतर साखरेत होते, ज्यामुळे रक्तातील साखरेची पातळी वाढू शकते. मोड आलेल्या बटाट्यांचे सेवन केल्यास फूड पॉयजनिंगचा धोका वाढू शकतो. मोड आलेले, हिरवे पडलेले किंवा सोलावर काळसर डाग आलेले बटाटे खाणे टाळावेत. (हेही पाहा : फूल एक फायदे अनेक; गोकर्णाच्या फुलांमध्ये असतात 'हे' औषधी गुणधर्म, बघा कसा करायचा उपयोग)