राज ठाकरेंचे निष्ठावंत बाळा नांदगावकर कोण आहेत?; मुंबईतील शिवडी मतदारसंघातून विधानसभेची उमेदवारी जाहीर, वाचा माहिती

महाराष्ट्र नवनिर्माण सेनेने विधानसभा निवडणुकीसाठी उमेदवारांच्या घोषणा करण्यास सुरुवात केली आहे. आगामी विधानसभा निवडणुकीसाठी शिवडी मतदारसंघातून मनसेने बाळा नांदगावकर यांना उमेदवारी जाहीर केली आहे. पक्षाचे अध्यक्ष राज ठाकरे यांनी त्यांचा महाराष्ट्र दौरा सुरु केला आहे. ते ५ ऑगस्ट रोजी सोलापूरमध्ये असताना त्यांनी विधानसभा निवडणुकीसाठी दोन उमेदवारांची घोषणा केली आहे. मनसेने शिवडी आणि पंढरपूर या दोन मतदारसंघांसाठी उमेदवारांची घोषणा केली आहे. शिवडी मतदारसंघातून मनसेचे नेते बाळा नांदगावकर यांना उमेदवारी जाहीर करण्यात आली आहे. तर पंढरपूर मतदारसंघातून दिलीप धोत्रे यांना उमेदवारी देण्यात आली आहे. दरम्यान बाळा नांदगावकर हे राज ठाकरेंचे निष्ठावंत मानले जातात, त्यांनी याआधी राज यांच्याबरोबर शिवसेनेत काम केले आहे. शिवसेनेत असताना बाळा नांदगावकर यांनी माझगाव विधानसभा मतदारसंघातून १९९५, १९९९ आणि २००४ अशी सलग तीन वेळा निवडून येत आमदारकी मिळवली आहे. याशिवाय त्यांनी मनसेकडून २००९ मध्ये मुंबईतील शिवडी मतदारसंघात शिवसनेच्या विरोधात निवडणूक लढवली आणि विजय मिळवला. मनसेची स्थापना झाल्यांनतर राज यांच्याबरोबर जाण्याचा निर्णय घेतलेले बाला नांदगावकर हे मनसेचे मोठे नेते मानले जातात. त्यांनी पक्षाच्या मोठ्या जबाबदाऱ्या पार पडल्या आहेत. २०१४ मध्ये विधानसभा निवडणुकीत शिवडी मतदारसंघात शिवसनेचे उमेदवार अजय चौधरी यांनी त्यांचा पराभव केला. त्यानंतर नांदगावकर यांनी कोणतीही निवडणूक लढवली नाही. त्यांनतर आता पुन्हा एकदा बाळा नांदगावकर यांना शिवडी येथून उमेदवारी देण्यात आली आहे. (Photo Source: Bala Nandgaonkar Facebook Page) हेही वाचा: Bangladesh Protests News: नाहिद इस्लाममुळे कोसळले शेख हसीना यांचे सरकार; कोण आहे हा विद्यार्थी नेता?, वाचा माहिती

संबंधित बातम्या

फोटो गॅलरी

ट्रेंडिंग टॉपिक्स