Chenab Bridge Photos: कसा आहे जगातील सर्वात उंच रेल्वे पूल? पंतप्रधान मोदींनी केले आज उद्घाटन

Chenab Railway Bridge: पंतप्रधान नरेंद्र मोदी (Prime Minister Narendra Modi) यांनी आज (६ जून) जगातील सर्वात उंच असलेल्या चिनाब पुलाचे उद्घाटन केले. जगातील सर्वात (World’s Highest Railway Bridge) उंच रेल्वे पूल जम्मू-काश्मीरमध्ये (Jammu and Kashmir) तयार करण्यात आला आहे. हा रेल्वे पूल तयार झाल्यामुळे भारताच्या विकासातील एक महत्वाचा क्षण मानला जात आहे. चिनाब नदीवर (Chenab River) या पुलाचे बांधकाम करणे हे सर्वात मोठे आव्हान मानले जात होते. हा चिनाब पूल पॅरिसमधील आयफेल टॉवर (Paris Eiffel Tower) पेक्षाही उंच आहे. या पुलाला पूर्ण होण्यासाठी तब्बल दोन दशकांहून अधिकचा कालावधी लागल्याचे सांगितले जात आहे. चिनाब पुलाच्या उद्घाटनानंतर आता कटरा ते संगलदान दरम्यान ६३ किमीच्या रेल्वे मार्गावर रेल्वे सेवा सुरू होणार आहे. या चिनाब पुलासाठी १५ हजार कोटींपेक्षा जास्त खर्च करण्यात आल्याचे सांगितले जाते. चिनाब पूल हा जम्मू आणि काश्मीरमधील उधमपूर-श्रीनगर-बारामुल्ला रेल्वे लिंकचा एक महत्वाचा भाग मानला जात आहे. (सर्व फोटो सौजन्य : ANI आणि नरेंद्र मोदी/X)