-
वडनगरमधील बालपण
१७ सप्टेंबर १९५० रोजी गुजरातमधील वडनगर येथे नरेंद्र दामोदरदास मोदी यांचा जन्म झाला. वडील दामोदरदास मोदी आणि आई हिराबा मोदी यांचे तिसरे अपत्य असलेल्या नरेंद्र मोदींनी शिक्षणासोबत कुटुंबाला हातभार लावण्यासाठी रेल्वे स्टेशनजवळील चहाच्या टपरीवर मदत केली. -
तरुण वयातील प्रवास आणि RSS प्रवेश
समाजसेवा आणि कार्याची ओढ त्यांना राष्ट्रीय स्वयंसेवक संघाकडे घेऊन गेली. १९७२ मध्ये ते औपचारिकरीत्या RSS मध्ये प्रचारक झाले. -
आणीबाणीतील सहभाग आणि संघटनात्मक काम
१९७५ च्या आणीबाणीच्या काळात लोकशाही हक्कांसाठी झालेल्या चळवळीत त्यांनी सक्रिय सहभाग घेतला. उशिरा ७० च्या दशकात संघटनात्मक कामात मग्न होत त्यांनी स्वतःची राजकीय ओळख तयार केली. -
भाजपामधील सुरुवात आणि वाढ
१९८७ मध्ये नरेंद्र मोदी भाजपचे गुजरातमधील सरचिटणीस झाले. त्याच काळात अहमदाबाद महानगरपालिकेत भाजपने पहिला विजय मिळवला. तीन वर्षांनी राज्य विधानसभा निवडणुकीत भाजपला दुसरे स्थान मिळवून देण्यातही मोदींचा हातभार होता. -
राष्ट्रीय स्तरावरील भूमिका
१९९५ पासून ते भाजपचे राष्ट्रीय सचिव झाले. पक्षाने १९९८ च्या लोकसभा निवडणुकीत सत्ता मिळवली. संघटन कौशल्यामुळे मोदींचे नाव राष्ट्रीय पातळीवर ठळक झाले. -
मुख्यमंत्रिपदाची संधी
सप्टेंबर २००१ मध्ये तत्कालीन पंतप्रधान अटलबिहारी वाजपेयी यांनी मोदींना गुजरातचे मुख्यमंत्री करण्याचा निर्णय घेतला. या पदावर त्यांनी विकासाचे विविध प्रयत्न केले; मात्र त्यांच्या कार्यकाळात त्यांना आव्हानांनाही सामोरे जावे लागले. -
पंतप्रधानपदी निवड
१२ सप्टेंबर २०१३ रोजी मोदींना भाजपने पंतप्रधानपदाचे उमेदवार घोषित केले. २०१४ च्या लोकसभा निवडणुकीत भाजपने बहुमत मिळवीत सरकार स्थापन केले. -
महत्त्वाचे उपक्रम आणि धोरणे
पंतप्रधान म्हणून मोदींनी ‘स्वच्छ भारत अभियान’, ‘डिजिटल इंडिया’, ‘जनधन योजना’, GST यांसारखे उपक्रम राबवले. नोटबंदी, कलम ३७० रद्द, नागरिकत्व सुधारणा कायदा, तिहेरी तलाकबंदी यांसारखे निर्णय घेतले गेले. या निर्णयांवर व्यापक चर्चाझाल्या आणि समर्थन व विरोध असे दोन्ही स्वरूपात पडसाद उमटले. -
राष्ट्रीय सुरक्षेतील कारवाई
ऑपरेशन सिंदूर एप्रिल २०२५ मध्ये पहलगाव येथे पाकिस्तानसमर्थित दहशतवादी हल्ला झाला. त्यानंतर ७ मे २०२५ रोजी भारताने ‘ऑपरेशन सिंदूर’ हाती घेतले. या मोहिमेत दहशतवादी तळांवर नेमकेपणाने आणि मर्यादित कारवाई करण्यात आली. सरकारने ही मोहीम ठाम, पण नियंत्रित प्रतिसाद म्हणून मांडली. -
आजचे वास्तव – ७५ वर्षांचा टप्पा
२६ मे २०१४ रोजी पंतप्रधानपदाची शपथ घेतलेल्या नरेंद्र मोदींनी सलग तीन लोकसभा निवडणुकांमध्ये पक्षाला विजय मिळवून दिला आहे. आज १७ सप्टेंबर २०२५ रोजी ते ७५ वर्षांचे होत आहेत. या टप्प्यावर त्यांचा प्रवास हा संघर्ष, राजकीय घडामोडी, धोरणात्मक निर्णय आणि ऐतिहासिक घटनांनी भरलेला असल्याचे मानले जाते. ( सर्व फोटो सौजन्य: नरेंद्र मोदी/इनस्टाग्राम)
‘हे’ झाड तारक की मारक ? इतर राज्यात बंदी, महाराष्ट्रात मात्र धडाक्यात…
