वयाच्या १९ व्या वर्षी वर्ल्ड चॅम्पियन; नागपुरची दिव्या देशमुख आहे तरी कोण?

नागपूरच्या १९ वर्षीय दिव्या देशमुखने इतिहास घडवला आहे. तिने जॉर्जियातील बातुमी येथे पार पडलेल्या बुद्धिबळ विश्वचषक स्पर्धेत अंतिम फेरीत भारताच्या कोनेरू हम्पीला पराभूत करत ऐतिहासिक कामगिरी केली आहे. (फोटो-एक्स) तिने FIDE विश्वचषक स्पर्धेतील अंतिम सामन्यात कोनेरू हम्पीवर टायब्रेकर फेरीत विजय मिळवत भारताची पहिली महिला विश्वविजेती होण्याचा मान पटकावला. (फोटो- एक्स) दिव्या देशमुख ही मुळची नागपूरची आहे. तिला लहानपणापासून बॅडमिंटन खेळायला आवडायचं. पण तिच्या आई-वडिलांनी तिला बुद्धिबळ खेळण्यासाठी प्रोत्साहित केलं. सुरूवातीला तिला बुद्धिबळ खेळायचं नव्हतं. पण काही वेळानंतर तिला हा खेळ आवडू लागला. (फोटो- एक्स) तिचे आई-वडिल जितेंद्र देशमुख आणि नम्रता देशमुख हे डॉक्टर आहेत. दिव्याने आपलं प्राथमिक शिक्षण भवन्स भगवानदास पुरोहित विद्यामंदीर येथून पूर्ण केलं आहे. (फोटो-एक्स) दिव्याने २०२४ टाटा स्टील इंडिया बुद्धिबळ स्पर्धा जिंकून सर्वांनाच आश्चर्याचा धक्का दिला होता. यासह तिने बुद्धिबळ ऑलिम्पियाडमध्ये २ सुवर्णपदकं पटकावली होती. (फोटो- एक्स) दिव्या देशमुख ही सध्या बुद्धिबळ खेळातील वर्ल्ड ज्यूनिअर रँकिंगमध्ये अव्वल स्थानी आहे. स्पर्धा जिंकण्यासह आणखी महत्वाची गोष्ट म्हणजे, संपूर्ण स्पर्धेत तिने एकही सामना गमावलेला नाही. (फोटो- एक्स) दिव्याने महिला विश्वचषक स्पर्धेतील अंतिम फेरीत पोहोचणारी पहिलीच भारतीय महिला खेळाडू होण्याचा मान पटकावला. (फोटो- एक्स)