एकीकडे पुणे शहरात करोनाचे सर्व नियम पाळून गणेशोत्सव साजरा केला जात आहे. परंतू काही केल्या शहरातील रुग्णसंख्या आटोक्यात येण्याचं नाव घेत नाहीये. मंगळवारी पुण्यात करोनाचे १२०४ रुग्ण आढळले. (सर्व फोटो - आशिष काळे)

पुणे महापालिकेच्या आरोग्य विभागाच्या कर्मचाऱ्यांनी कोथरुड विभागात नागरी वसाहतीत स्वॅब सॅम्पल तयार करण्यासाठी कँपचं आयोजन केलं होतं. SNDT कॉलेजमध्ये या कँपचं आयोजन करण्यात आलं होतं.

पुणे शहरात मंगळवारी ४४ रुग्णांना करोनामुळे आपले प्राण गमवावे लागले आहेत.

आतापर्यंत पुणे शहरात २ हजार ७७ रुग्णांचा करोनामुळे मृत्यू झाला आहे.

करोनावर उपचार घेत असलेल्या १ हजारापेक्षा जास्त रुग्णांची तब्येत ठणठणीत झाली असून आतापर्यंत ६८ हजार ९०० रुग्ण करोनामुक्त झाल्याची माहिती आरोग्य विभागाने दिली आहे.