“काही पुरुष गोल्डन हार्ट असतात…” भरलग्नात होणाऱ्या बायकोला पाहून त्याने असं काही केलं.. VIDEO पाहून कराल कौतुक

लग्नसराईचे दिवस म्हटले की, सोशल मीडियावरही लग्नाचे अनेक व्हिडीओ व्हायरल झालेले पाहायला मिळतात. यातील काही व्हिडीओंमध्ये वरातीमधील डान्स, वधू-वराची एन्ट्री पाहायला मिळते; तर काही व्हिडीओमध्ये लग्नातील गमतीशीर गोष्टी पाहायला मिळतात. शिवाय अनेकदा लग्नातील काही भावनिक क्षणदेखील पाहायला मिळतात. आता असाच एक भावनिक क्षण दाखवणारा व्हिडीओ समोर आला आहे.

या व्हायरल व्हिडीओमध्ये तुम्ही पाहू शकता, एका लग्न मंडपामध्ये वर स्टेजवर उभा राहिला असून यावेळी वधू तिच्या आई-वडिलांबरोबर स्टेजजवळ येताना दिसतेय. यावेळी वधूला पाहून वर खूप भावनिक होतो आणि रडायला सुरुवात करतो. त्यानंतर वधू स्टेज खाली उभी राहून त्याला फ्लाइंग किस देते. त्यानंतर दोघांचा विवाह सोहळा संपन्न होतो. या व्हिडीओमध्ये वराचं वधूबद्दल वाटणारे प्रेम पाहून नेटकरीही अनेक कमेंट्स करताना दिसत आहेत.

पाहा व्हिडीओ:

हा व्हिडीओ इन्स्टाग्रामवरील @thivyan.jayareuben या अकाउंटवर शेअर करण्यात आला असून यावर चौदा मिलियनहून अधिक व्ह्युज आणि चार लाखांहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत. एका युजरने लिहिलंय की, “गोल्डन हार्ड पुरुष.” तर दुसऱ्या युजरने लिहिलंय की, “खूप सुंदर क्षण”, तर तिसऱ्या युजरने लिहिलंय की, “ताई, लाखात एक नवरा भेटलाय तुला.”