Viral Video: समाजमाध्यमांवरील ट्रेंड सतत विविध गोष्टींमुळे बदलत असतो. कधी थरकाप उडवणारे व्हिडीओ, तर कधी आपले मनोरंजन करणारे व्हिडीओ सातत्याने आपल्या डोळ्यांसमोर येतात. बऱ्याचदा यावर असे काही व्हिडीओ व्हायरल होतात, ज्यात नकळत घडलेल्या गोष्टी आपल्याला पाहायला मिळतात. सध्या एका चिमुकलीचा असाच एक व्हिडीओ खूप व्हायरल होतोय, ज्यात तिने असं काहीतरी केलंय, जे पाहून तुम्ही कपाळावर हात मारून घ्याल.
लहान मुलं कधी काय करामत करतील हे कोणीच सांगू शकत नाही. आपण काय करतोय आणि हे केल्यानंतर पुढे काय होईल? याची कल्पना त्यांना नसते. त्यामुळेच अनेकदा नकळत ते अशा काही गोष्टी करतात, ज्यामुळे संपूर्ण कुटुंब त्रस्त होते. काही गोष्टी आपल्यापैकी अनेकांबरोबर घडल्या असतील, ज्यात कधी नकळत तोंडात पैसे घालणे, तर कधी खाण्यायोग्य नसलेल्या गोष्टी आई-वडिलांच्या नकळत खाणे, अशा अनेक गोष्ट आहेत. सध्या अशाच प्रकारचा एक व्हिडीओ खूप व्हायरल होतोय, ज्यात एका चिमुकलीचा पाय एका भांड्यात अडकताना दिसत आहे.
या व्हायरल व्हिडीओमध्ये तुम्ही पाहू शकता, एक चिमुकली खेळता-खेळता एका कढईच्या कडीमध्ये स्वतःचा पाय घालते. पण, तिचा पाय कडीमध्ये अडकतो. चिमुकली स्वतःचा पाय काढण्यासाठी अनेक प्रयत्न करते, परंतु तिचा पाय बाहेर निघत नाही. त्यानंतर ती मोठमोठ्याने रडू लागते. तिचं रडणं एकूण तिच्या घरचे कडीतून पाय बाहेर काढण्याचा प्रयत्न करतात. शेवटी बराच वेळ प्रयत्न केल्यानंतर चिमुकलीचा पाय बाहेर निघतो. या चिमुकलीची करामत पाहून तिचे बाबा तिला ओरडतात. सध्या हा व्हिडीओ खूप व्हायरल होत असून अशा घटना अनेकदा गमतीशीर जरी वाटत असल्या तरी यामुळे लहान मुलांच्या जीवाला धोका निर्माण होऊ शकतो.
पाहा व्हिडीओ:
हा व्हिडीओ इन्स्टाग्रामवरील @sayko.sh या अकाउंटवरून शेअर करण्यात आला असून या व्हिडीओवर आतापर्यंत दोन मिलियनहून अधिक व्ह्युज आणि पंचवीस हजारांहून अधिक लाइक्स मिळाल्या आहेत. तसेच यावर अनेक युजर्स कमेंट्स करतानाही दिसत आहेत.
युजर्सच्या कमेंट्स चर्चेत
एका युजरने कमेंटमध्ये लिहिलेय, “मी लहान असताना माझं डोकं डब्यात अडकले होते”, तर दुसऱ्या युजरने लिहिलेय, “माझी मुलंही अशीच आहेत.” तर तिसऱ्या व्यक्तीने लिहिलेय, “वेडी मुलगी आहे”, तर आणखी एकाने लिहिलंय की, “मी लहान असताना माझे डोके शाळेतील खिडकीत अडकले होते आणि सर्व विद्यार्थी निघून गेले होते.”
© IE Online Media Services (P) Ltd