बलुचिस्तानमधील किंकाळ्या ऐकू येतात, मग बेळगावच्या आक्रोशाकडे दुर्लक्ष का ? – शिवसेना

बलुचिस्तानातील स्वातंत्र्यसैनिकांच्या किंकाळ्या लाल किल्ल्यावर ऐकू येतात, पण बेळगावमध्ये ६० वर्षांपासून सुरू असलेला आक्रोश ऐकू जात नसेल तर न्याय व अन्यायाच्या फालतू गोष्टी कोणी करू नयेत असे सांगत शिवसेनेने केंद्र सरकारवर निशाणा साधला आहे. अण्णा हजारेंनी बेळगावमध्ये मराठी भाषिकांवर होणा-या अत्याचाराविरोधात कधी उपोषण का केले नाही असा सवालही शिवसेनेने उपस्थित केला आहे.