पिंपरी-चिंचवड : शंभर सीसीटीव्हींची तपासणी व दीडशे पेक्षा अधिका आरोपींची करण्यात आली चौकशी

पिंपरी-चिंचवड परिसरातून एटीएम फोडणाऱ्या गुन्हेगारांच्या मुसक्या गुन्हे शाखा युनिट १ च्या अधिकारी व कर्मचाऱ्यांनी आवळल्या आहेत. मागील आठवड्यात मोटारीच्या सहाय्याने एटीएमला दोर बांधून त्यांनी एटीएम फोडले होते. त्यात ५ लाख रुपयांपेक्षा अधिक रक्कम होती. मात्र, १०० सीसीटीव्हीच्या तपासणीद्वारे आणि १५० पेक्षा अधिक गुन्हेगारांची चौकशी करत आरोपींना जेरबंद करण्यात अखेर पोलिसांना यश आले आहे. साडेसात लाख रुपयांच्या मुद्देमालासह, १ लाख ४० हजार रुपयांची रोकड जप्त केली आहे.