Devendra Fadnavis: धारावी पुनर्विकास, ठाकरे सरकारच्या ‘त्या’ निर्णयावर फडणवीस यांचे भाष्य

माजी मुख्यमंत्री उद्धव ठाकरे यांच्या कार्यकाळात मंजूर करण्यात आलेल्या धारावी पुनर्विकास प्रकल्पाच्या निविदेतील अटी-शर्तींमुळे विकासकाची टीडीआर एकाधिकारशाही (मोनोपॉली) निर्माण होण्याचा धोका होता. त्यामुळे तेवढ्यापुरताच बदल करुन आम्ही टीडीआरवर मर्यादा (कॅपिंग) आणली आणि एकाधिकारशाही रोखली, असे परखड मतप्रदर्शन उपमुख्यमंत्री देवेंद्र फडणवीस यांनी बुधवारी केले. ‘लोकसत्ता’च्या ‘नवे क्षितिज’ या कॉफी टेबल बुकच्या प्रकाशन सोहळ्यात ते बोलत होते.