Bigg Boss 18: ‘बिग बॉस १८’च्या घरात सध्या नवनवीन ट्विस्ट येताना दिसत आहेत. नुकताच वीकेंड वारमध्ये एक बदल करण्यात आला. वीकेंड वार शनिवार, रविवार या दिवशी होतं होता. पण आता शुक्रवारपासून वीकेंड वार सुरू झाला आहे. शुक्रवार, शनिवार सलमान खान होस्टिंग करणार आहे. तर रविवारच्या होस्टिंगची जबाबदारी अभिनेता रवि किशनवर देण्यात आली आहे.
‘हाय-दईया विथ रवि भैय्या-गर्दा उडा देंगे’ असं रवि किशनच्या सेगमेंटचं नाव आहे. या सेगमेंटमधून रवि किशन सदस्यांची कानउघडणी करणार आहे. ३ नोव्हेंबरला झालेल्या ‘हाय-दईया विथ रवि भैय्या-गर्दा उडा देंगे’मध्ये रवि किशनने रजत दलाल, करणवीर मेहरा, चाहत पांडे, अरफीन खान, सारा अरफीन खान यांना अनोख्या अंदाजातून सुनावलं. पण, यावेळी चार जणांचा ग्रुप असलेल्या विवियन डिसेना, अभिषेक मिश्रा, ईशा सिंह आणि एलिश कौशिकला रवि किशन काहीही म्हणाला नाही. तसंच घरात फक्त विवियनच्या ग्रुपमध्ये नाती पाहायला मिळत आहे म्हणत रवि किशनने त्यांचं कौतुक केलं.
रवि किशनच्या या सेगमेंटनंतर विवियन, अविनाश, ईशा, एलिस घराबाहेर एकत्र बसले होते. तेव्हा विवियनला आपल्या ग्रुपबरोबर काहीतरी बोलायचं होतं. पण, तितक्यात करणवीर तिथून जात होता. म्हणून विवियन म्हणाला, “आता काही बोलत नाही. नंतर बोलू.” त्यावेळी ईशा म्हणाली, “करणवीरचं नाव ‘जलनवीर’ ठेवायला पाहिजे.” तेच विवियन करणवीरला सांगतो. तो म्हणाला, “मी तुला एक नाव ठेवलं आहे.” करण म्हणतो, “बोलना.” विवियन म्हणाला, “जलनवीर मेहरा.” त्यानंतर विवियन अविनाश, ईशा, एलिसला मिठी मारतो आणि ग्रुपचं कौतुक केल्याचा आनंद व्यक्त करतो.
हेही वाचा – Bigg Boss 18: “मला करणवीरचा जीव घ्यायचा आहे”, एलिस कौशिकने दिली थेट धमकी, नेमकं काय घडलं? जाणून घ्या…
दरम्यान, दिवाळीच्या मुहूर्तावर दोन वाइल्ड कार्ड सदस्यांची जबरदस्त एन्ट्री झाली आहे. ‘स्प्लिट्सविला १५’मध्ये झळकलेले दिग्विजय सिंह राठी आणि कशिश कपूर वाइल्ड कार्ड म्हणून ‘बिग बॉस’च्या १८व्या पर्वात सहभागी झाले आहेत.
© IE Online Media Services (P) Ltd