Latest Photo Galleries, Trending Viral Photos | Entertainment and Celebrity Pictures | Lifestyle, Sports, Travel, Health, News Photo Galleries

राष्ट्रीय चित्रपट पुरस्कार विजेती अभिनेत्री, लेखिका अमृता सुभाषचा आज वाढदिवस.‘श्वास’, ‘देवराई’, ‘नितळ’, ‘अस्तु’ आणि ‘किल्ला’ अशा एकापेक्षा एक सरस चित्रपटांतून भूमिका करत प्रेक्षकांच्या आणि समीक्षकांच्याही पसंतीला उतरलेली अभिनेत्री म्हणजे अमृता सुभाष.अमृताने चित्रपट, रंगमंच आणि टेलिव्हिजन या तिन्ही माध्यमांमध्ये आपली छाप उमटवली आहे. दिल्लीच्या नॅशनल स्कूल ऑफ ड्रामा या नाट्य प्रशिक्षण संस्थेत पं. सत्यदेव दुबे यांच्या मार्गदर्शनाखाली अभिनयाचे धडे गिरवणाऱ्या अमृताने साकारलेली ‘ती फुलराणी’मधील मंजू आजही रसिकांच्या चांगलीच लक्षात असेल.मराठी तसेच हिंदी चित्रपटांमधून लक्षणीय भूमिका साकारणाऱ्या अमृताने आतापर्यंत अत्यंत आव्हानात्मक भूमिकांचे सोने केले आहे.‘अवघाचि संसार’, ‘झोका’, ‘पाऊलखुणा’ आदी मालिकांमधील तिच्या भूमिकाही चांगल्याच गाजल्या. २०१३मध्ये प्रदर्शित झालेल्या ‘अस्तु’ या चित्रपटातील भूमिकेसाठी तिला त्या वर्षीचा साहाय्यक अभिनेत्रीचा राष्ट्रीय चित्रपट पुरस्कारही देण्यात आला.एकापेक्षा एक भूमिकांद्वारे प्रेक्षकांच्या हृदयाचा ठाव घेणाऱ्या अमृताने आपल्या लेखणीनेही त्यांची मने काबीज केली आहेत.आताच्या आघाडीच्या अभिनेत्रींमध्ये अमृताचे नाव घेतले जाते.अमृताने संदेश कुलकर्णीशी लग्न केले. त्यांच्या लग्नाला नुकतीच १७ वर्ष पूर्ण झाली आहेत.(सर्व फोटो सौजन्य - अमृता सुभाष / इन्स्टाग्राम)