-
बॉलिवूडमधील दिग्गज आणि लोकप्रिय अभिनेता अनुपम खेर यांचा आज वाढदिवस.
-
अनुपम खेर यांनी वयाच्या २८ व्या वर्षी करिअरला सुरुवात केली.
-
अनुपम खेर यांनी एकाहून एक सुपरहिट चित्रपटांमध्ये काम केलं आहे.
-
अनुपम यांनी अभिनेत्री किरण खेर यांच्यासोबत प्रेमविवाह केला आहे.
-
२६ ऑगस्ट १९८५ रोजी या दोन दिग्गज कलाकारांनी लग्नगाठ बांधली.
-
दोघंही त्यांच्या दमदार अभिनय कौशल्यासाठी ओळखले जातात.
-
या दोघांची लव्हस्टोरी तितकीच रंजक आहे.
-
किरण खेर आणि अनुपम खेर हे महाविद्यालयीन शिक्षण घेत असताना एकमेकांना ओळखत होते. मात्र त्यांच्यामध्ये केवळ मैत्रीचं नातं होतं.
-
प्रेम किंवा लग्न हा विचारदेखील त्यांना स्पर्शून गेला नव्हता. त्यानंतर बऱ्याच वर्षानंतर पुन्हा एकदा त्यांची मुंबईमध्ये भेट झाली.
-
मात्र, यावेळी दोघांचंही लग्न झालं होतं. त्याकाळामध्ये अनुपम खेर आणि किरण खेर दोघेही काम करण्यासाठी स्ट्रगल करत होती.
-
यादरम्यान दोघांमधील मैत्री वाढत गेली आणि त्यांच्या मैत्रीचं रुपांतर प्रेमात झालं.
-
स्ट्रगल काळातच अनुपम खेर यांना १९८५ साली ‘सारांश’ हा पहिला चित्रपट मिळाला.
-
या चित्रपटानंतर त्यांच्या आयुष्याला कलाटणी मिळाली.
-
विशेष म्हणजे त्यांनी या चित्रपटानंतर आपल्या पत्नीपासून विभक्त होण्याचा निर्णय घेत घटस्फोट घेतला.
-
याचदरम्यान किरण खेर यादेखील त्यांचा पती गौतम बेरी यांच्यापासून विभक्त झाल्या होत्या.
-
घटस्फोटानंतरही किरण आणि अनुपम हे आपल्या करिअरकडे लक्ष केंद्रित करुन होते.
-
त्याचवेळी त्यांची पुन्हा एकदा कोलकातामध्ये नादिरा बब्बर यांच्या एका कार्यक्रमामध्ये भेट झाली. त्यानंतर या दोघांनीही लग्न करण्याचा निर्णय घेतला.
-
विशेष म्हणजे या कार्यक्रमादरम्यान अनुपम यांनी किरण यांना लग्नाची मागणी घातली. ते इतक्यावरच न थांबता त्यांनी किरण यांच्या मुलाला सिकंदरला देखील स्वत:चं नाव दिलं. (सर्व फोटो सौजन्य : अनुपम खेर / इन्स्टाग्राम)
“पुढील १० वर्षांत फक्त ‘याच’ नोकऱ्या टिकतील”; निखिल कामथ म्हणाले, “शिक्षण…”
