चेहऱ्यावर हसू, खांद्यावर बिग बींचा हात; आकाश ठोसरने शेअर केलेले 'पडद्यामागचे' खास फोटो पाहिलात का?

बॉलिवूडचे दिग्गज अभिनेते अमिताभ बच्चन यांची प्रमुख भूमिका असलेला ‘झुंड’ हा चित्रपटाची गेल्या काही दिवसांपासून सतत चर्चा सुरु आहे. नागराज मंजुळे दिग्दर्शित ‘झुंड’ हा बहुचर्चित आणि बहुप्रतिक्षित चित्रपट बॉक्स ऑफिसवर हिट ठरला आहे. ‘झुंड’ हा चित्रपट स्लमसॉकरचे संस्थापक विजय बरसे यांच्या आयुष्यावर आधारित आहे.या चित्रपटात आकाश ठोसर आणि रिंकू राजगुरु हे दोघेही महत्त्वाच्या भूमिकेत आहेत.अभिनेता आकाश ठोसर हा या चित्रपटात खलनायकाच्या भूमिकेत दिसत आहे.आकाश हा सोशल मीडियावर कायमच सक्रीय असतो. नुकतंच आकाशने ‘झुंड’च्या सेटवरचे काही फोटो सोशल मीडियावर शेअर केले आहेत.यात आकाश हा अमिताभ बच्चन यांच्यासोबत एका सीनचे शूटींग करताना पाहायला मिळत आहे. या दृश्याच्या शूटींगदरम्यान काढलेले काही फोटो आकाशने शेअर केले आहेत. 'पडद्यामागे', असे कॅप्शन देत आकाशने हे फोटो पोस्ट केले आहे. यासोबत त्याने झुंडचा हॅशटॅगही वापरला आहे. विशेष म्हणजे आकाशने शेअर केलेले हे फोटो सध्या चांगलेच चर्चेत आहे. त्या फोटोवर अनेकांनी लाईक्स आणि कमेंट्सचा वर्षाव सुरु केला आहे. त्याच्या या पोस्टवर हार्ट, स्माईल यासारख्या इमोजींचा वर्षाव सुरु आहे. तसेच त्याची ही पोस्ट तुफान व्हायरल होताना दिसत आहे. दरम्यान या चित्रपटाने पहिल्या तीन दिवसात ६.५० कोटी रुपयांचा गल्ला जमवला होता.