-
स्टार प्रवाह वाहिनीवर येत्या मे महिन्यापासून ‘तुझेच मी गीत गात आहे’ ही नवी मालिका प्रेक्षकांच्या भेटीला येत आहे. काही दिवसांपूर्वी या मालिकेचा पहिला प्रोमो प्रदर्शित झाला आहे.
-
गाण्याचं स्वप्न उराशी बाळगलेल्या आणि अत्यंत प्रतिकूल परिस्थितीत ते पूर्ण करण्यासाठी झटणाऱ्या चिमुकल्या स्वराची गोष्ट या मालिकेतून सांगितली जाणार आहे.
-
सुप्रसिद्ध अभिनेत्री उर्मिला कानिटकर-कोठारे तब्बल १२ वर्षांनंतर या मालिकेतून छोट्या पडद्यावर दमदार कमबॅक करणार आहे.
-
‘तुझेच मी गीत गात आहे’ या मालिकेतील चिमुकल्या स्वराने सर्वांचेच लक्ष वेधून घेतलं आहे.
-
गाण्याच्या दुनियेत हरवून जाणाऱ्या स्वराची भूमिका साकारणाऱ्या बालकलाकाराचे नाव अवनी तायवाडे असे आहे.
-
पण ही अवनी नेमकी आहे तरी कोण? असा प्रश्न अनेकांना पडला आहे.
-
अवनी तायवडे ही अवघ्या ८ वर्षांची आहे. ती तिच्या कुटुंबासोबत नागपुरात राहते.
-
अवनीने आतापर्यंत अनेक हिंदी मालिकांमध्ये काम केले आहे.
-
सोनी वाहिनीवरील ‘स्टोरी ९ मन्थ्स की’ (Story 9 Months Ki) या मालिकेतून तिने बालकलाकार म्हणून अभिनय क्षेत्रात पदार्पण केले.
-
त्यानंतर स्टार प्लसवरील ‘ये है चाहते’ या हिंदी मालिकेत तिने साचीचे पात्र साकारले होते.
-
या मालिकेनंतर आता ती स्टार प्रवाहवरील ‘तुझेच मी गीत गात आहे’ या मालिकेत झळकणार आहे.
-
अवनीची ही पहिलीच मराठी मालिका आहे.
-
त्यासोबतच लवकरच अवनी ही ‘कुलूप’ या मराठी चित्रपटातही काम करणार आहे. या चित्रपटाचे दिग्दर्शन डॉ रुद्र कर्पे यांनी केले आहे.
-
अवनीला लहानपणापासूनच अभिनयाची प्रचंड आवड होती. त्यामुळेच तिची आई श्वेता अन्वीला अभिनय क्षेत्रात येण्यासाठी नेहमीच प्रोत्साहन देत असते.
-
स्टार प्रवाह वाहिनीवरील ‘तुझेच मी गीत गात आहे’ ही मालिका हिंदी मालिकेचा रिमेक असणार आहे.
-
बंगाली मालिका पोटोल कुमार गानवाला आणि हिंदीतील कुल्फीकुमार बाजेवाला या दोन मालिकेवरुन याची निर्मिती करण्यात येत आहे.
-
या मालिकेतून उर्मिला कोठारे आणि अभिजीत खांडकेकर प्रथमच स्क्रीन शेअर करताना दिसणार आहेत.
-
उर्मिला ही या मालिकेत वैदेहीचे पात्र साकारत आहे.
-
तर अभिजीत खांडकेकर हा स्वराच्या वडिलांच्या भूमिकेत झळकणार आहेत.
पंतप्रधान नरेंद्र मोदींचे या ‘रविवारी’ बँक सुरू ठेवण्याचे आदेश; मोठी घडामोड होणार…
