आमिर खानने लेकासोबत घेतला आंब्याचा आस्वाद, फोटो शेअर करत म्हणाला "तुम्ही कधी..."

बॉलिवूड अभिनेता आमिर खान हा ‘मिस्टर परफेक्शनिस्ट’ म्हणून ओळखला जातो. आमिर खान हा नेहमीच त्याच्या चित्रपटांसह खासगी आयुष्यामुळेही चर्चेत असतो. आमिर खान हा नेहमी त्याच्या कुटुंबासोबत वेळ घालवताना दिसतो. तो अनेकदा त्यांच्यासोबतचे विविध फोटो पोस्ट करत असतो. नुकतंच आमिर खानने त्याचा मुलगा आझादसोबतचे काही फोटो शेअर केले आहेत. यात आमिर हा त्याच्या लाडक्या मुलासोबत आंबा खाण्याची मजा लुटताना दिसत आहे. सध्या आंब्याचा मोसम सुरु आहे. अशातच आमिर खाननेही त्याच्या मुलासोबत आंबा खाण्याचा आनंद लुटला आहे. आमिरने शेअर केलेल्या या फोटोत तो आणि त्याचा मुलगा दिसत आहे. त्यांच्या समोर आंब्याने भरलेले ताट पाहायला मिळत आहे. यानंतर दुसऱ्या फोटोत आमिर हा आंबा कापताना दिसत आहे. तर आणखी एका फोटोत ते दोघेही छान आंबे खाताना दिसत आहेत. 'तुम्ही कधी तुमच्या कुटुंबासोबत असा आनंद लुटला आहे का?', असा प्रश्न आमिर खानने या पोस्टला कॅप्शन देताना विचारला आहे. दरम्यान त्याची ही पोस्ट चांगलीच व्हायरल होत आहे. विशेष म्हणजे अनेक युजर्सने त्याच्या या प्रश्नाला उत्तरही दिले आहे.