लग्नानंतर थाटामाटात पार पडले विराजस-शिवानीचे रिसेप्शन, राज ठाकरेंच्या हजेरीमुळे लागले चार चाँद

मराठी कलाविश्वातील लोकप्रिय जोडी विराजस कुलकर्णी आणि शिवानी रांगोळे यांनी नुकतीच लग्नाची गाठ बांधली आहे. अक्षय्य तृतीयाच्या मुहूर्तावर म्हणजेच ३ मे रोजी विराजस-शिवानी विवाहबंधनात अडकले. लग्नानंतर नुकतंच त्या दोघांचा रिसेप्शन सोहळा मोठ्या थाटामाटात पार पडला. विराजस आणि शिवानीच्या रिसेप्शनला सिनेसृष्टीतील अनेक कलाकारांनी हजेरी लावली होती. त्यांच्या लग्नाचे आणि रिसेप्शन सोहळ्याचे फोटो सध्या सोशल मीडियावर व्हायरल होत आहेत. या रिसेप्शनदरम्यान विराजस आणि शिवानीने मॅचिंग कपडे परिधान केले होते. यावेळी शिवानीने छान गुलाबी रंगाचा लेहेंगा परिधान केला होता. तर विराजसनेही तिच्या ड्रेसला मॅच होणारा सलवार कुर्ता परिधान केल्याचे पाहायला मिळत होते. मनसे अध्यक्ष राज ठाकरेंनी देखील विराजस आणि शिवानीच्या रिसेप्शनला हजेरी लावली होती. त्यांनी या रिसेप्शनला हजेरी लावत विराजस आणि शिवानीला त्यांच्या भावी वैवाहिक आयुष्यासाठी शुभेच्छा दिल्या आहेत. त्यासोबतच अभिनेत्री श्रेया बुगडेही विराजस आणि शिवानीच्या रिसेप्शनला उपस्थित होती. जानेवारी महिन्यात विराजस-शिवानीचा साखरपुडा पार पडला होता. शिवानी आणि विराजस यांची पहिली भेट एका नाटकादरम्यान झाली होती. ‘डावीकडून चौथी बिल्डींग’ या विराजसच्या प्रायोगिक नाटकात शिवानीने काम केले होते. विराजस आणि शिवानी गेल्या अनेक दिवसांपासून एकमेकांना डेट करत होते.