-
पुढच्या काही दिवसांमध्ये २०२२ हे वर्ष संपणार आहे. यंदाचं हे वर्ष काही लोकांसाठी खूपच फायद्याचं राहिलं तर काहींसाठी डोकेदुखी ठरलं.
-
बॉलिवूड कलाकारांबद्दल बोलायचं तर काही कलाकारांसाठी हे वर्ष खूपच चांगलं गेलं मात्र काहींची नावं वादाच्या भोवऱ्यात अडकली.
-
वर्षाच्या अखेरीस एक नजर टाकूया अशा बॉलिवूड कलाकरांवर ज्यांची नावं वादग्रस्त कारणांनी राहिली होती चर्चेत.
-
बॉलिवूडचा प्रसिद्ध अभिनेता रणवीर सिंग यंदा त्याच्या न्यूड फोटोशूटमुळे बराच चर्चेत राहिला.
-
अनेक संस्थांनी त्याच्या या फोटोशूटवर आक्षेप घेतल्यानंतर रणवीरनं त्याच्या काही फोटोंबरोबर छेडछाड केली गेल्याचं स्पष्टीकरण दिलं होतं.
-
अभिनेत्री जॅकलिन फर्नांडिसचं नाव ठग सुकेश चंद्रशेखरशी असलेल्या नातेसंबंधांमुळे वादाच्या भोवऱ्यात सापडलं.
-
तिच्या विरोधात खटला दाखल करण्यात आली आणि तिची चौकशी झाली. सध्या तिला जामिनावर सोडण्यात आलं आहे.
-
अभिनेता रणबीर कपूरचं नाव यंदा त्याच्या ‘ब्रह्मास्त्र’ चित्रपटामुळे वादाच्या भोवऱ्यात सापडलं होतं. त्याचा एक जुना व्हिडीओ सोशल मीडियावर व्हायरल झाला होता.
-
या व्हिडीओमध्ये रणबीरने त्याला गोमांस आवडत असल्याचं वक्तव्य केलं होतं. त्याचा व्हिडीओ व्हायरल झाल्यानंतर एका मंदिरात दर्शनासाठी प्रवेश नाकारण्यात आला होता.
-
रणबीर कपूरप्रमाणेच त्याची पत्नी आणि अभिनेत्री आलिया भट्टही या वर्षाअखेर बरीच चर्चेत राहिली.
-
आलियाने ७ व्या महिन्यात मुलीला जन्म दिल्यानंतर ती लग्नाआधीच गरोदर होती असं म्हणत नेटकऱ्यांनी तिच्यावर टीका केली होती.
-
दाक्षिणात्य अभिनेत्री नयनताराने या वर्षी दिग्दर्शक विग्नेशशी लग्नगाठ बांधली.
-
मात्र लग्नानंतर अवघ्या काही महिन्यांतच या दोघांनी सरोगसीद्वारे आई-बाबा झाल्याची घोषणा केली.
-
त्यानंतर या दोघांवरही सरोगसीच्या नियमांचं उल्लंघन केल्याचा आरोप करण्यात आला होता. ज्यामुळे त्यांना न्यायलयात स्पष्टीकरण द्यावं लागलं होतं.
-
अभिनेत्री रिचा चड्ढाने काही दिवसांपूर्वीच आर्मीबाबत केलेलं ट्वीट वादाच्या भोवऱ्यात सापडलं होतं.
-
रिचा चड्ढावर या ट्वीटनंतर देशभरातून टीका करण्यात आली होती. यानंतर रिचाने भारतीय सैन्याची जाहीर माफी मागितली होती.
-
हे संपूर्ण वर्ष दिग्दर्शक विवेक अग्निहोत्री आणि त्यांच्या ‘द कश्मीर फाइल्स’ चित्रपटाने गाजवलं.
-
चित्रपटाच्या प्रमोशनवेळी आणि प्रदर्शनानंतर विवेक अग्निहोत्री त्यांच्या काही वक्तव्यांमुळे वादाच्या भोवऱ्यात सापडले होते. (फोटो सौजन्य- सोशल मीडिया)
ज्येष्ठ अभिनेत्री ज्योती चांदेकर यांचं निधन; ‘ठरलं तर मग’ मालिकेत साकारत होत्या पूर्णा आजीची भूमिका, सिनेविश्वावर शोककळा
