सोशल मीडियावरुन मैत्री, प्रपोज अन्... नम्रता संभेरावची प्यारवाली लव्हस्टोरी

महाराष्ट्राची हास्यजत्रा मालिकेतून घरोघरी पोहोचलेलं नाव म्हणजे नम्रता संभेराव. आपल्या अचूक कॉमेडी टायमिंगने प्रेक्षकांना नम्रता खळखळून हसवते. महाराष्ट्राची हास्यजत्रेमधील तिचे पंच व पात्र प्रेक्षकांना मनसोक्त हसण्यास भाग पाडतात. कॉमेडी क्वीन नम्रता संभेरावच्या वैयक्तिक आयुष्याबद्दल आज आपण जाणून घेणार आहोत. नम्रतानं शिवाजी विद्यालय काळाचौकी येथून शालेय शिक्षण पूर्ण केलं. नम्रताने कॉलेजचाच मित्र असलेल्या योगेशशी २०१३मध्ये लग्नगाठ बांधली. दोघांनी लव्ह मॅरेज केलं होतं. नम्रताचा पती योगेश अभिनयसृष्टीत कार्यरत नाही. दोघे कॉलेजमध्ये एकत्र होते, त्यांची चांगली मैत्री होती. शाळेत असताना नम्रताने सांस्कृतिक कार्यक्रम जसे की डान्स, गायन, एकपात्री अभिनय, शुद्धलेखन सारख्या अनेक कार्यक्रमात भाग घेतला होता. नम्रता कॉलेजमध्ये असल्यापासून वेगवेगळ्या कार्यक्रमांमध्ये भाग घ्यायची. त्यामुळे तिचा अभिनय त्याने पाहिला होता. योगेश नम्रताच्या अभिनयाच्या प्रेमात पडला होता. परंतु, या प्रेमाची सुरुवात मैत्रीपासून झाली. सोशल मीडियावर आधी त्याने तिच्याशी मैत्री वाढवली. त्यानंतर दोघांची घट्ट मैत्री झाली. त्यानंतर योगेशने नम्रताला प्रपोज केलं. त्यानंतर नम्रताने योगेशला होकार दिला. दोघांनी एकमेकांना डेट केलं आणि २०१३मध्ये लग्न केलं होतं. या दोघांना रुद्रराज नावाचा मुलगा आहे. नम्रता पती व मुलाबरोबरचे फोटो सोशल मीडियावर शेअर करत असते. (फोटो - नम्रता संभेरावच्या इन्स्टाग्रामवरून साभार)