Mann Ki Baat: पंतप्रधान नरेंद्र मोदींचे तरुणांना राजकारणात प्रवेश करण्याचे आवाहन, म्हणाले "विकसित भारतासाठी…"

‘विकसित भारत’चे उद्दिष्ट गाठण्यासाठी अशा लोकांनी स्वातंत्र्य लढ्यात दाखवलेले चैतन्य पुन्हा आवश्यक असल्याचे ठाम प्रतिपादन पंतप्रधान नरेंद्र मोदी यांनी रविवारी ‘मन की बात’मध्ये केले. स्वातंत्र्यदिनी एक लाख तरुणांना कोणत्याही राजकीय पार्श्वभूमीशिवाय राजकारणात येण्याचे आवाहन केले होते. त्यावर काही तरुणांनी घराणेशाहीचे राजकारण नवीन प्रतिभेला चिरडत असल्याचा दावा केल्याचे मोदींनी या वेळी नमूद केले. सामूहिक प्रयत्नांतून राजकीय पार्श्वभूमी नसलेल्या तरुणांना राजकारणात प्रवेश करण्यात मदत होईल. पंतप्रधान मोदी म्हणाले की, "यावर्षी लाल किल्ल्यावरून मी राजकीय पार्श्वभूमी नसलेल्या एक लाख तरुणांना राजकीय व्यवस्थेशी जोडले जाण्याचे आवाहन केले." "माझ्या आवाहनाला प्रचंड प्रतिसाद मिळाला. त्यामुळे आमच्या लक्षात आले की तरुण मोठ्या संख्येने राजकारणात प्रवेश करण्यास उत्सुक आहेत." "ते फक्त योग्य संधी आणि योग्य मार्गदर्शनाच्या शोधात आहेत. मला देशभरातून तरुणांचे यासंदर्भात अनेक पत्रे मिळाली." "समाज माध्यमावरूनही प्रचंड प्रतिसाद मिळत आहे. तसेच नागरिकांनीही मला अनेक सूचना केल्या आहेत." "त्यांचे आजोबा किंवा पालक यांच्याकडून राजकीय वारसा नसल्यामुळे इच्छा असूनही राजकारणात प्रवेश करता आला नाही," असे त्यांनी सांगितल्याचे पंतप्रधान मोदी म्हणाले. "काही तरुणांनी लिहिले आहे, की त्यांना नागरिकांमध्ये काम करण्याचा चांगला अनुभव आहे. त्यामुळे ते लोकांच्या समस्या सोडवण्यास उपयुक्त ठरू शकतात." "काही तरुणांनी घराणेशाहीचे राजकारण नवीन प्रतिभेला चिरडत असल्याचे नमूद केले. तर काही तरुणांनी लोकशाहीला अधिक बळ मिळेल," असे सांगितले. "या विषयावर सूचना पाठवल्याबद्दल मी प्रत्येकाचे आभार मानतो," असे मोदी म्हणाले. (सर्व फोटो लोकसत्ता संग्रहित)